Zora Neale Hurston

Zora Neale Hurston nesik se tunal chikume (7) pal ne metzti se (1) tik ne shiwit se shikipil chiknawi tzunti nawi pual se (1891). Yaha nesik ne techan Notasulga, Alabama tik ne italyu Estados Unidos.

Yaja se wey tiltikchin tawawasuani katka.

Zora Neale Hurston

Ne itekiw: tay kichiwki?

-  “Sweat” (Se shikipil chiknawi tzunti se pual chikwasen; 1926)

- “Hoodoo in America” (Se shikipil chiknawi tzunti se pual majtakti se; 1931)

-Jonah's Gourd Vine (Se shikipil chiknawi tzunti se pual majtakti nawi; 1934)

-Their Eyes Were Watching God (Se shikipil chiknawi tzunti se pual kashtul ume; 1937)

-Moses, Man of the Mountain (Se shikipil chiknawi tzunti se pual kashtul nawi; 1939)

-Seraph on the Suwanee (Se shikipil chiknawi tzunti ume pual chikwey; 1948)

-Spunk: Selected Stories (Se shikipil chiknawi tzunti nawi pual makwil; 1985)

Ne ichtaka itunal:

Ne inan itukey katka Lucy Ann Hurston yaja se Estados Unidoschanejket katka.

Wan ne iteku itukey katka John Hurston. Yaja se Estados Unidoschanejket katka nusan.

Muchi nawi itajtatanoywan nesiket tik itekuyu ijistakchichin.

Keman Zora kipia yey shiwit, yaha wan itejtekuwan yawit katka ne techan Eatonville, Florida. Tik uni ne techan, iteku tatuktiani.

Zora Neale Hurston kitasujta muchi ajamachti.

Yaja kipia yey ikman ishujshulejyu. Yejemet intukey Herbet Sheen, Albert Prince, wan James Howell Pitts. Yaja tesu kipia ipilwan u ipijpipil.

Yaja mumachtij tik ne wey tamachtiluyan Howard University neman Barnard College wan Columbia University

Tik wey tamachtiluyan, Zora Neale Hurston mumachtia itunal pal ne tuijikniwan tijtiltichichin tik ne italyu Estados Unidos. Yaha igustuj kitajtanilia katka tuijikniwan tijtiltichichin ipanpa intunal wan yaha tawawasua cajcasoj. Eatonville kitakulitia ne lilish “Zora! Festival” ika yaha kiwawasua yultajtaketzalis tik ne ajamachti.

Yaja mikik se tunal se pual chikwey (28) pal ne metzi se (1) tik ne shiwit se shikipil chiknawi tzunti yey pual (1960), ipanpa kukulis iyulu.