Virginia Woolf

Adeline Virgina Stephen, kaj tiktukeytiat Virginia Woolf, se tawawasuni katka. Yaja nesik tik ne techan Lewes-Sussex ka Inglaterraj, ne tunal se pual makwil, pal ne metzti se, tik ne shiwit se shikipil chikwey tzunti nawi pual ume (1882). Wan yaja mikik tik ne techan Lewes, ne tunal se pual chikwey, pal ne metzti yey, tik ne shiwit se shikipil chiknawi tzunti ume pual se (1941). Yaja kipia katka ume pual kashtul nawi shiwit.

Yaja se wey siwat pal ne movimientoj itukey “modernismoj” tik ne Inglaterraj. Wan ne ensayoj ipal, “Una habitación propia” se wey itekiw pal ne movimiento feminstaj.

Ipanpa Itunal Ichtaka

Ne iteku, itukey katka Leslie Stephen, wan yaja inan, itukey katka Julia Stepehen. Ne iteku se tawawasuni nusan katka. Wan miak tajtawawasunimet yejemet ejkut ne inchan katka: Alfred Tennyson, Thomas Hardy, Henry James, wan Edward Burne-Jones. Yajika, ne noya Woolf sujsul igustuj tawawasua katka. Woolf mumachtia tik ne ichan katka inwan itejtekuwan. Yaja inan kimachtia katka ne tajtaketzalis wan ne iteku kimachtia ne tapualis.

Ne ishulejyu itukey katka Leonard Woolf. Yejemet kishmati tik ne Yawal ka Bloomsbury tik ne wey techan London. Virgina munamiktij iwan Leonard tik ne shiwit se shikipil chiknawi tzunti majtakti ume (1912). Melka Virginia Woolf se takayulu wan ne ichtakasiwaw, itukey katka Vita Sackville-West.

Woolf mumiktij katka tik ne apan Ouse.