Valentina Tereshkova
Valentina Tereshkova nesik tik Bolshoye Maslennikovo, se takutun ipal Rusia, se tunal chikwasen pal ne metzti yey tik ne shiwit se shikipil chiknawi tzunti se pual kashtul ume (1937). Yaja kenhayuk yultuk.
Yaja se tapalewiani wan sital pashaluani. Yaja ne achtu siwat ka yawi tik ne ikajku susul.
Ne itunal ichtaka:
[shikpata | Shikpata ne tajkwilulchin]Ne inan itukey katka Elena Fyodorovna Tereshkova wan ne iteku itukey katka Vladimir Tereshkov. Ne iteku tawikani, yaja mikik keman Valentina kipiak ume shiwit. Nemanha ne iteku mikik ne imiekawan yajket ka ukse techan, ika ne inan kinekik kiajsi tekiti.
Valentina pejki yawi tik ne tamachtiluyan keman yaja kipiak chikwey shiwit wan kisak keman yaja kipiak kashtul se shiwit. Nemanha ne tamachtiluyan yaja pejki tekiti, melka yaja mumachtij iwan amat ka ne tamachtiluyan Light Industry Technical School tuktij. Valentina igustuj katka ajutzikwini iwan ne kwachti pal wetzi (paracaidas). yaja ajutzikwin achtu keman yaja kipiak se pual se shiwit. Valentina tekitituya wan yaja ajutzikwini iwan ne kwachti pal wetzi iwan ukse tuijikniwan pal kita kaj ne ukyek, melka yaja tesu kilwij ne inan ipanpa ini.