Tsukasa Hojo

Tsukasa Hojo takwikwilchiwani Japonchanej (mangaka).

Ne itunal ichtaka

Hojo nesik tik ne techan Kitakyushu tik Japon, tik ne shiwit 1959. Iteku miki keman Hojo piltzin katka.

Ne shiwit 1981, kimakat amat tik Tamachtiluyan Universidad Kyūshū Sangyō Daigaku kan mumachtia tajkwilua.

Ne shiwit 1979, keman mumachtiani katka, ne Amachi “Space Angel” kimakat ne takulis ne premio Osamu Tezuka.

Yaja kipia isiwaw wan yey isiwapíltzin.

Ne itekiw

Ne shiwit 1980, pewa itekiw katka tik ne Shonen Jump wan itajkwilua katka ne amachi Ore Wa Otoko Da! (Naja nitakat!), wan ne shiwit 1981, itajkwilua ne ajamachi Third Deka wan Cat’s Eye (“Ne mistun iish” tik nawat). Cat’s Eye sujsul yek katka wan kipia ulinkwikwil chikitik.

Ne shiwit 1985, pewa itajkwilua katka City Hunter (Ne Tamutapewiliachtiani tik ne techan) wan tamik yajini itekiw ne shiwit 1991.

City Hunter sujsul wey.

Keman itajkwilua City Hunter katka, kineshtijket miak ajamachti chikitik : Neko Mamma Okawari (1986), Splash (1987), Tenshi No Okurimono (1988) wan Taxi Driver (1990).

Ne shiwit 1993 itajkwilua katka Sakura No Hana Saku Koro, wan ne shijshiwit 1994 wan 1995 itajkwilua katka Komorebi No Motode wan Rash! wan ne shiwit 1996 Family Compo.

Ne shiwit 2001, pewa itajkwilua katka ne amachti Angel Heart (ne angel iyulu). Yajini amachti kipia miak tuijikniwan tik ne amachti City Hunter.

Ne shijshiwit 1980, tajtakwikwilchiwani Takehiko Inoue wan Haruto Umezawa katka imujmumachtiani.

Ne ichaku kenhayuk ne takwikwilchiwani Tetsuo Hara. Hara itajkwilua katka Hokuto no Ken (Ne sital ka ikajku imumey tik nawat).

Ijilpika

https://es.wikipedia.org/wiki/Tsukasa_H%C5%8Dj%C5%8D

https://www.manga-audition.com/hojo-sensei-interview-until-the-very-last-moment/

https://www.manga-news.com/index.php/auteur/HOJO-Tsukasa