Tatiana Nikoláyevna de Rusia

Tatiana Nikoláyevna Romanova (1897-1918) se isiwapíltzin ne tatuktiani Zar Nicolás II de Rusia.

Itunal Ichtaka

Nesik tik ne techan San Petersburgo, Rusia tik ne Palacio Peterhof. Inan Zarina Alejandra Fiódorovna (nesik ken Alix De Hesse-Darmstadt) wan Alemaniachanej katka wan iteku Tatuktiani Zar Nicolás II de Rusia. Tatiana kinpiak se ipipi, Olga Nikoláyevna (1895-1918) wan ume iikawan, María Nikoláyevna de Rusia (1899-1918) wan Anastasia Nikoláyevna (1901-1918). Tatiana kipij se iikaw, Alexis Nikoláyevich de Rusia (1904-1918).

Iipan inoya ne Tatuktiani Reína Victoria del Reino Unido (1819-1901) katka. Itajtatanoy ne Tajtatuktiani Zar Alejandro III de Rusia wan Luis IV de Hesse-Darmstadt katka. Inojnoywan Alicia del Reino Unido wan María Fiódorovna de Rusia (nesik Dagmar de Dinamarca) katka.

Tatiana taketzki ne tajtaketzalis Inglés wan Franciachanej sujsul wey. Yaja kipij se tamachtiani Suizachanej itukey wan itzuntukey Pierre Gilliard, wan kipij se tamachtiani Britaniachanej nusan, wan itukey Sydney Gibbes.

Tatiana weya tik ne Palacio Peterhof wan nemanha tik ne Palacio Alejandro tik ne techan Tsarskoye Selo katka. Yaja kipij se tapech iwan ipipi Olga, wan yejemet kitalijket kwachti. Yaja igustuj kitzuzuna ne piano wan tatzumalis katka.

Yaja kojtik katka, wan itzunkal sujsul kupuknaj katka. Ijiish neshnaj katka.

Keman pejtuk ne Primera Guerra Mundial, Tatiana muchiwki ka se tapajtiani inwan inan wan ipipi Olga, pal ne kukuyani tajtasumani Rusiachanej tik ne kaltapajtiani tik ne techan Tsarskoye Selo.

Ne shiwit 1917, ne Revolución pejtuk wan iteku, Zar Nicolás II, te nenki ne Tatuktiani. Tatiana iwan imiekawan kikaltzajket tik ne Palacio Alejandro. Nemanha, nenket tik se kal tik ne techan Tobolsk, wan nemanha, tik se kal tik ne techan Ekaterimburgo.

Ken mikik?

Ne Bolcheviques miktijket Tatiana wan muchi imiekawan tik ne shiwit 1918 tik ne techan Ekaterimburgo tik ne kal "Ipatiev". Nemanha, ne Bolcheviques kiitatijket wan kiishtijket ituweyka ka se kal apunian tik ne kwawital inawak ne techan Ekaterimburgo. Tik ne shiwit 1991, kiajsiket ne iweyka.

Icasoj an

Tik ne shiwit 2000, Tatiana Nikoláyevna muchiwki ka Santa Tatiana tik ne tipuan Ortodoxa tik Rusia.

Ipanpa uni

https://es.wikipedia.org/wiki/Tatiana_Nikol%C3%A1yevna_de_Rusia