Tasmania

Tasmania se takutun ipal Australia.

Kan nemi Tasmania ?

Tasmania se tumak talchin tik ne at talchi Australia Continental. Intzalan Tasmania wan Australia Continental nemi ne ujti tzuyutztik tik ne wey puyek at Brass (Estrecho de Brass). Tasmania kipia 68 401 km² wan miak tejtepet, ajapan wan miak itenpan ne wey puyek at. Keman ne mejmetzti chikwasen, chikume wan chiwey, Tasmania sujsul sesek ika nemi sujsul inawak Antártida, yajika nemi ishtepajsu sesek. Tesu kanaj talchin tik ne at intzalan Tasmania wan Antártida.

Ne Casoj Tasmania

Nenki ijikman tuijikniwan ka 35 000 shijshiwit, pero an tesu kanaj ijikman tuijikniwan ika ne Ingleses miktijket ne Aborígenes. Truganini se ijikman tik Tasmaniachanej katka.

Abel Tasman, se tatemuani Holandachanej, ejkuk ka Tasmania ne shiwit 1642. Nemanha, James Cook ejkuk ne shiwit 1777 ka Adventure Bay tik ne talchin tik ne at Bruny wan nemanha, Jean-Michel Huon de Kermadec ejkuk ne shiwit 1791.

Ne shiwit 1803 ejkuk Ingleses nemanha James Cook wan kichiwket se tumak prisión tik ne techan Port Arthur ne shiwit 1830. Sujsul tuijikniwan Irlandachanej wan Ingleses ejkuket wan nenki tik ne prisión Port Arthur.

Ijilpika

https://es.wikipedia.org/wiki/Tasmania

https://en.wikipedia.org/wiki/Tasmania

https://portarthur.org.au/history/#section-1

Truganini