Shireen Abu Akleh
Shireen Abu Akleh
[shikpata | Shikpata ne tajkwilulchin]Shireen Abu Akleh nesik se tunal yey pal ne metzti nawi tik ne shiwit se shikipil chiknawi tzunti yey pual majtakti ume (1971). Ne ichan nemi tik ne techan Jerusalem, West Bank tik ne Filisteen katka.
Akleh se siwat Filisteenchanej wan ne se wey taketzani wan tawawasuani inpanpa Filisteen wan tuijikniwan Filisteenchanejket. Yaja se tamachtiani, tatemuani wan tapalewiani nusan katka.
Ne Itunal Ichtaka
[shikpata | Shikpata ne tajkwilulchin]Ne inan itukey Nasri wan itzuntukey Abu Aqleh wan iteku itukey Louli katka. Ne imanju itukey Tony wan itzuntukey Abu Akleh. Ne imiekawan nemi tik ne techan Bethlehem tik West Bank, Filisteen.
Abu Akleh yawi ka ne tumak tamachtiluyan[1] Rosary Sisters katka. Yaja yawi ka ne wey tamachtiluyan, ne Universidad de Ciencias wan Tecnologia tik Jordan, West Bank kan achtu mumachtia inkajkal[2] melka neman kipata itekiw pal mumachtia ne tawawanalis ka ne wey tamachtiluyan, ne Universidad de Yarmouk tik Jordan, West Bank kan kiajshitilia se wey ajamat[3] katka. Ka né pejki ne iyulu shuchikisa pal kiliwia cajcasoj pal ne tuijikniwan Filisteenchanejket wan ne cajcasoj[4] inpanpa ne tajtamaitzkianimet[5] Israelis kinmiktiat wan kinchaluat tuijikniwan Filisteenchanejket tik West Bank katka.
Tay Kichiwki?
[shikpata | Shikpata ne tajkwilulchin]Abu Akleh kipia se pual majtakti shiwit kiwawasua wan taketza inpanpa ne intunal tuijikniwan Filisteenchanejket kwak miak shiwit taketzani wan tawawasuani katka. Yaja kaj tiktukeytiat isiwakenew pal Filisteen katka.
Yaja itekiw inwan kajkaltepustajtaketzalis[6] intukey Voice of Palestine wan Monte Carlo katka. Yaja itekiw pal taketzani wan tawawasuani wan yaja achtu siwat Arabe pal kaltepustajtaketzalis wan kaltepustachialis inwan Al Jazeera. Abu Akleh tamachtiani pal ne wey tamachtiluyan, University’s Media Development Center, kan yaja kilwitiat inpanpa miak dajdatka.
Yaja kiniliwia ne cajcasoj wan taketza inpanpa ne intzijtzinweyaka[7], inkwajkwachti[8], inmijmijtutia[9], incajcasoj[10], inkwijkwikwil ne inkajkal[11] inpal ne Filisteenchanejket.
Achtu ne tajtamaitzkianimet Israelis kimiktiat, yaja mumachtia ne tajtaketzalis Hebrea pal kimati tay ne tajtamaitzkianimet[12] Israelis kilwiat katka. Akleh mumachtia ne tatejkultialis[13] tik ne Universidad de Birzeit tik West Bank kan kinajshitilia se wey ajamat[14] katka.
Ken Mikik?
[shikpata | Shikpata ne tajkwilulchin]Yaja kipia ume pual majtakti se shiwit keman ne tajtamaitzkianimet Israelis kimiktiat katka. Kimiktiat ne se tunal majtakti se pal ne metzti makwil tik ne shiwit ume shikipil se pual ume (2022). Kimiktiat iwan se tamiktialis ipan hpal ne itzuntekun keman yaja taketza inpanpa ne tajtamaitzkianimet Israelis kishtiat ne Filisteenchanejket tik ne kal kan nemit ne tuijikniwan tesu tawikilia tik Jenin tik ne West Bank katka. Akleh kipia se tejtetzilnaj itzuntzajka wan se susul iwipil majmakutu iwan ne taketzalis: taketzani[15] keman ne tajtaitzkianimet Israelis kimiktiat.
Kwak ne tuijikniwan Filisteenchanejket kiteputzwiat ne iweyka keman kisat ka ne Saint Joseph’s Kaltapajtiani[16] tik East Jerusalem, ne tajtaitzkiltianimet Israelis kinchaluat ne tuijikniwan Phalestinechanejket inwan tajtapalewilis katka. Ne tajtaitzkiltianimet[17] Israelis nusan kalakit ne kaltapajtiani wan kinchaluat tuijikniwan Filisteenchanejket— tajtapajtiani wan kujkukuya inwan tajtapalewilis.
Ipanpa Uni:
[shikpata | Shikpata ne tajkwilulchin]- ↑ high school
- ↑ arquitectura/architecture
- ↑ diploma de periodismo
- ↑ Historias/History
- ↑ colonizadors/colonizers
- ↑ radio/radio stations
- ↑ raizes
- ↑ telas
- ↑ danzas/dances
- ↑ cuentos/stories
- ↑ arquitectura
- ↑ colonizadors/colonizers
- ↑ media digital/digital media
- ↑ diploma de media digital/diploma in digital media
- ↑ Presna/Press
- ↑ Hospital
- ↑ policias/police
Ijilpika:
[shikpata | Shikpata ne tajkwilulchin]- Shireen Abu Akleh Wikipedia link (In English): https://en.wikipedia.org/wiki/Shireen_Abu_Akleh
- Jenin Refugee Camp Wikipedia link (In English): https://en.wikipedia.org/wiki/Jenin_refugee_camp
- Campamento de Yenín enlace (En Espanol): https://es.wikipedia.org/wiki/Campamento_de_Yen%C3%ADn
- Balfou Declaration (In English): https://en.wikipedia.org/wiki/Balfour_Declaration
- Declaración Balfour (En Espanol): https://es.wikipedia.org/wiki/Declaraci%C3%B3n_Balfour
- Forensic analysis proves IOF deliberately killed Shireen Abu Akleh (In English): https://english.almayadeen.net/news/politics/forensic-analysis-proves-iof-deliberately-killed-shireen-abu
- Birzeit University Wikipedia link (In English): https://en.wikipedia.org/wiki/Birzeit_University
- Shireen Abu Akleh (1971-2022) (In English): https://www.iwmf.org/community/shireen-abu-akleh-1971-2022/#:~:text=In%20addition%20to%20co%2Dfounding,Digital%20Media%20from%20Birzeit%20University.
- Voice of Palestine Wiki Link (In English): https://en.wikipedia.org/wiki/Voice_of_Palestine
- Al Jazeera (In English): https://www.aljazeera.com