San Francisco
San Francisco se techan tik ajkuik pal ne wey techan pal California tik italyu Estados Unidos. Ne techan kipia 808,437 tuijikniwan tik shiwit 2022 katka[1].
Ne techan nesi tik ne shiwit 1776 keman ne Kastiyachanej ajsi wan kalchiwa ne teupan wan ne kal pal tasumalis tik ne tal inpal ne Yelamuchanejket katka. Tik ne shiwit 1849, miak tuijikniwan ejkut keman kiajsit tultik tet wan ne techan sujsul mutki katka. Ka shiwit 1906, San Francisco ijtzilika wan tata katka. Ini kikeluna sejseki kajkal katka. Nemanha ne Ume Wey Tasumalis ipal Taltikpak, miak tuijikniwan ejkut senpa keman wan kichiwa ne yultaketzalis pal hippie wan tesu musuma tik Vietnam katka. Ini kichiwa ne Tunalku pal Tasujtalis wan ne tapalewis inpal ne takayulu wan siwayulu katka.
San Francisco se techan itajku ne taltikpak pal kikwikwilt wan pal kitzuntaliat, wan ne temu pal tuman[2]. Ne techan ne tajku pal tekiti pal tawawasua, iwan Facebook, X (Twitter), wan Google. Tik shiwit 2022, ne techan manamiki miak shikipil ejejkuni katka. Tejemet kiteshmatit ne techan ka inpal wey tejtepet, tajtanualis, wan mijmishti.
San Franciscochanejket ka muchi kishmatit
Levi Strauss, ne itekuyu pal ne susul isala, pewa ichawa ne isala tik San Francisco tik shiwit 1873 katka. Steve Jobs, ne itekuyu pal ne tanutzalis Apple iPhone, nesi tik San Francisco tik shiwit 1955 katka. Jobs kipewa tik shiwit 1976 iwan ne tawawasua Apple wan nemanha iwan ne tanutzalis IPhone katka. Carlos Santana, mekawewetani pal son pal rock, San Franciscochanej mijkwani pal Mexico ka San Francisco tik shiwit 1961 katka.