Quincy Jones
Quincy Delight Jones Jr.
[shikpata | Shikpata ne tajkwilulchin]Kaj tiktukeytiat Quincy Jones, yaja nesik tik Chicago se tunal majtakti nawi pal ne metzti yey tik ne shiwit se shikipil chiknawi tzunti se pual majtakti yey (14/03/1933) wan mikik tik Los Angeles se tunal yey pal ne metzti majtakti se tik ne shiwit ume shikipil se pual nawi (3/11/2024). Yaja se takwikaliswawasuani[1] wan yawaltakwikalischiwani[2] katka.
Itekiw:
[shikpata | Shikpata ne tajkwilulchin]
Yaja kinchiwa yey yawaltakwikalis pal Michael Jackson katka, kaj intukey Off the Wall ( tik ne shiwit se shikipil chiknawi tzunti yey pual kashtul nawi /1979), Thriller (tik ne shiwit se shikipil chiknawi tzunti nawi pual ume/1982) wan Bad (Tik ne shiwit se shikipil chiknawi tzunti nawi pual chikume/1987). wan ne yawaltakwikalis Thriller kaj miak tuijikniwan kikujtiwit wan tesu akaj weli kinamaka ukchupi yawaltakwikalis ken yaja katka. Yaja tekiti iwan Frank Sinatra nusan. Wan yaja tekiti inwan ne tajtakwikanimet pal kichiwa ne takwikalis "We are the world" katka. Kimakaket se takulis Grammy "Legend Award".
yaja kinchiwki ini yajyawaltakwikalis[3]:
- Bing Band Bossa Nova (se shikipil chiknawi tzunti yey pual ume / 1962)
- Gula Matari (1970)
- Walking in Space (1971)
- ...
Itunal ichtaka
[shikpata | Shikpata ne tajkwilulchin]Ne iteku itukey katka Quincy Delight Jones wan ne inan itukey katka Sarah Frances. Yaja kipia chikume ipijpipil. Ne achtu isiwaw itukey katka Jeri Caldwell, munamiktijket tik ne shiwit se shikipil chiknawi tzunti yey pual chikume wan muajkawket tik ne shiwit se shikipil chiknawi tzunti yey pual chikwasen ne isiwaw ume itukey katka Ulla Andersson, yejemet munamiktijket ne shiwit se shikipil chiknawi tzunti yey pual chikume wan muajkawket tik ne shiwit se shikipil chiknawi tzunti yey pual majtakti nawi. Wan ne isiwaw yey itukey katka Peggy Lipton, munamiktijket tik ne shiwit se shikipil chiknawi tzunti yey pual yey pual majtakti nawi wan muajkawket tik ne shiwit se shikipil chiknawi tzunti nawi pual majtakti.