Prudencia Ayala

Kaj Tiktukeytiat Prudencia Ayala Chief, yaja nesik se tunal ume pual chikyey pal ne metzti nawi tik ne shiwit se shikipil chikyey tzunti nawi pual makwil (28/04/1885) tik ne techan Tzuntzakat^[1] se takutun tutalyu Sentzunhat^[2] ka Kuskatan. Yaja se tawawasuani^[3], tatuktiani^[4] wan tapalewiani^[5] katka. Yaja kinpalewij ne sijsiwatket wan yaja ne achtu siwat pal ne tatuktiani^[6] ka Kuskatan. Yaja mikik se tunal majtakti se pal ne metzti chikume tik ne shiwit se shikipil chiknawi tzunti se pual kashtul se (11/07/1936)

Itekiw

Yaja tekitij ken tawawasuani pal ne amat kaj techilwiat tay panutuk mujmusta kaj itukey katka “Occidente” (Kan kalaki ne tunal) yaja kinchiwki : “AVENTURAS DE UN VIAJE A GUATEMALA” tik ne shiwit se shikipil chiknawi tzunti kashtul nawi (1919) wan “INMORTAL AMORES DE LOCA” tik ne shiwit se shikipil chiknawi tzunti se pual makwil (1925) wan “PAYASO LITERARIO” tik ne shiwit se shikipil chiknawi tzunti se pual chikwasen (1926) ka Siwatewakan^[7] pal ne metzti nawi wan yaja kinchiwki ne amat kaj techilwiat tay panutuk mujmusta kaj itukey “REDENCION FEMENINA” tik ne shiwit se shikipil chiknawi tzunti se pual chikyey (1928)

Itunal ichtaka

Ne itejtekuwan ijikman katka, ne inan itukey katka: Aurelia Ayala wan ne iteku itukey katka: Vicente Chief. Keman yaja kipiatuya majtakti shiwit yajki ka Siwatewakan wan yaja pejki mumachtia wan yaja tesu tamik ika yaja tesu kipiatuya ne tumin. Kunij yaja mumachtij tatzuma^[8]. Tik ne shiwit se shikipil shiknawi tzunti kashtul nawi (1919) kikaltzajket ika yaja tajtaketza pal ne kaltatuktiani ka Atikisaya wan nemanha ka Kwawtemalan nusan. Melka yaja taketzki wan tamawawasuj castillaj yaja taketzki nawataketzalis nusan