Pelé

Pelé tik Copa Mundial de Fútbol tik shikipil tzunti chiknawi chikume pual (1970).

Edson Arantes do Nascimento kaj tiktukeytiat Pelé, se Futbol Tatuktiani. Edson nesik se tunal se pual yey pal ne metzti majtakti tik ne shiwit se shikipil chiknawi tzunti nawi pual (1940) tik ne techan Três Corações, takutun ipal tutakyu Minais Gerais tik ne italyu Brasil. Yaja se wey mawiltiani katka.

Ne itekiw: tay kichiwki?

Yaja mawiltij iwan ini senmawiltianimet Santos FC (shikipil chiknawi tzunti makwil – shikipil chiknawi tzunti chikume pual nawil) (1956-1974), New York Cosmos (1975-1977), wan Seleção Brasileira (1957-1971). Kimakaket miak tajtakulis Copa del Mundo tik shikipil chiknawi tzunti makwil pual chikuey, shikipil chiknawi tzunti yey pual ume, wan shikipil chiknawi tzunti chikume pual (1958, 1962 wan 1970), Supercopa de Campeoes Intercontinentales tik shikipil chikwasen pual knawi tzunti chikwasen pual chikuey (1968), Copa Intercontinental tik shikipil chiknawi tzunti chikwasen pual ume wan shikipil chiknawi tzunti chikwasen pual yey (1962 wan 1963), Copa Libertadores de América tik tik shikipil chiknawi tzunti chikwasen pual ume wan shikipil chiknawi tzunti chikwasen pual yey (1962 1963), miak Brasileirão, miak Torneo Río-São Paulo, miak Campeonato Paulista wan Record Mundial Guiness. Yaja se ne wey mawiltiani tik miak pujpual (Siglo XX) katka. Yajkaw ka mawiltia tik shikipil chiknawi tzunti chikume pual chikume (1977) katka.

Yaja mawiltij se shikipil yey pual yey (1363) miak majmawiltiani wan kichiwa katka se shikipil ume tzunti chikwasen pual chikwasen goles 1279. Yaja se tatujtiani mawilti tik metzti se tik shikipil chiwnawi tzunti chiknawi pual makwil wan shikipil chiknawi tzunti chiknawi pual chikuey.

Pelé

Ne ichtaka itunal:

Ne inan itukey katka María Celeste Arantes yaja se Brasilchanej katka, wan ne iteku itukey katka João Ramos do Nascimento kaj tiktukeytiat Dodinho. Yaja se Brasilchanej katka. Ne itajtatanowan ijikman ejkuni ka África.

Yaja munamiktij iwan Rosemeri Cholbi tik shikipil chiknawi tzunti chikwasen pual chikwasen (1966). Rosemerie se Brasilchanej katka. Wan muajkaw iwan ne isiwaw tik ne shiwit shikipil chiknawi tzunti chikume pual chikuey (1978). Yaja kipia nawi ipijpipil iwan Rosemeri katka. Ne ipijpipil intukey Kelly, Cristina, Edinho wan Jennifer katka. Ne ume isiwaw itukey katka Assiria Seixas Lemos, iwan yaja temu ajkawket hasta ne wan nikik achtu. Yaja kipia ukseuk ipijpipil katka iwan Assiria. Ne kujkuati ipijpipil intukey Josua y Celeste katka.

Yaja mikik se tunal se pual chiknawi (29) pal ne metzti majtakti ume tik ne shiwit ume shikipil se pual ume (2022), ipanpa cancer de colon tik ne techan São Paulo takutun ipal tutakyu tik ne italyu Brasil.