Oscar Wilde

Oscar Fingal O'Flahertie Wills Wilde

Oscar Wilde , se wey Takwikani, Tawawasuani wan Tawawasani pal casoj, nesik tik ne techan Dublin , takutun Ipal Irlanda, se tunal kashtul se, pal ne metzi majtakti tik ne shiwit se shikipil chikwey tzunti ume pual majtakti nawi (16-10-1854).

Yaja mikik tik ne techan Paris, takutun ipal Francia, se tunal ume pual majtakti , pal ne metzi majtakti se tik ne shiwit se shikipil chiknawi tzunti (30-11-1900).

Ne itunal Ichtaka

Ne iteku itukey Tajtzin William Wilde, se tapajtiani pal ne ijiish wan tawuawuasani, wan ne inan itukej Nantzin Jane Francesca Elgee, se takwikani wan tawawuasuani. Oscar kipia se imanuj William wan se iikaw Isola. Ne itejtekuwan kipiat katka tumin wan ne pijpipil mumachtiat katka.

Oscar Wilde mumachtia katka ka ne wey tamachtiluyan Trinity^[1] tik ne Dublin wan ne wey tamachtiluyan Magdalen^[2] tik ne Oxford.

Tik ne shiwit se shikipil chikwey tzunti yey pual kashtul nawi (1879) Oscar itechan nemik tik ne techan Londres.

Oscar Wilde munamiktia katka iwan Constance Lloyd. Oscar wan Constance kipiat katka ume pijpipil intukey Cyril wan Vyvyan.

Oscar Wilde kintasujta katka ne pijpiltzin. Oscar siwayulu. Wan ne ichaku iteku kikaltzakwa katka Oscar. Yaja tesu kipia katka tamakishtilis, ipanpa ne tatuktialis, yaja (Oscar) tekitini iwan te kitashtawket.

Keman yaja kipia katka tamakishtilis, Oscar wan Constance yajket ka techan Bernaval takutun Francia. Yaja kipat ne itukey pal Sebastian Melmoth. Constance mikik tik ne shiwit se shikipil chikwey tzunti nawi pual kashtul (1898) wan Oscar itechan nemik tik ne techan Paris.