Omar Sharif
Omar Sharif
[shikpata | Shikpata ne tajkwilulchin]Michel Demitri Shalhoub (1932-2015), kaj tiktukeytiat Omar Sharif, katka tapajtiani Egiptochanej.
Ne itunal ichtaka
[shikpata | Shikpata ne tajkwilulchin]Omar Sharif nesik tik ne techan Alejandría, Egipto, ne shiwit 1932. Imiekawan Líbanochanej katka. Yaja mumachtia ne tajtapual tik ne Tamachtiluyan Universidad de El Cairo wan nemanha tik ne Tamachtiluyan Royal Academy of Dramatic Art tik ne techan Londres katka. Sharif taketza miak tajtaketzalis katka : árabe, inglés, francés, italiano wan castellano.
Yaja kipia ikman isiwaw katka : Faten Hamama, wan yaja sujsul yek tapajtiani katka nusan. Sharif wan Hamama kipia se ipíltzin : itukey Tarek Sharif. Tarek kipia ipíltzin, itukey Omar Sharif Junior wan yaja tapajtiani nusan.
Ne itekiw
[shikpata | Shikpata ne tajkwilulchin]Sharif pejtuk ne itekiw tik Egipto, wan ujulinkwikwil sujsul yek katka. Yaja ichiwa miak ujulinkwikwil iwan Youssef Chahine. Ne shiwit 1962, Omar Sharif mawiltia tik ne ejkuni ulinkwikwil : Lawrence de Arabia. Yajini ulinkwikwil sujsul wey katka. Nemanha, Sharif mawiltia tik miak ejkuni ujulinkwikwil, wan miak sujsul yek katka : "Doctor Zhivago" (1965), "Funny Girl" (1968), "Mayerling" (1968), "Top Secret!" (1984), "El señor Ibrahim y las flores del Corán" (2003), etc.