Olga Nikoláyevna de Rusia
Olga Nikoláyevna Romanova (1895-1918) se isiwapíltzin ne tatuktiani Zar Nicolás II de Rusia.
Itunal Ichtaka
[shikpata | Shikpata ne tajkwilulchin]Nesik tik ne techan Tsarksoe Selo, Rusia tik ne Palacio Alejandro. Inan Zarina Alejandra Fiódorovna (nesik ken Alix De Hesse-Darmstadt) wan Alemaniachanej katka wan iteku Tatuktiani Zar Nicolás II de Rusia. Olga kinpiak yey iikawan, Tatiana Nikoláyevna (1897-1918) wan María Nikoláyevna de Rusia (1899-1918) wan Anastasia Nikoláyevna (1901-1918). Olga kipij se iikaw, Alexis Nikoláyevich de Rusia (1904-1918).
Iipan inoya ne Tatuktiani Reína Victoria del Reino Unido (1819-1901) katka. Ne shiwit 1896, Olga yawi inwan inan wan iteku ka Francia wan Reino Unido, wan tik ne Reino Unido, munamikik iwan iipan inoya Victoria.
Itajtatanoy ne Tajtatuktiani Zar Alejandro III de Rusia wan Luis IV de Hesse-Darmstadt katka. Inojnoywan Alicia del Reino Unido wan María Fiódorovna de Rusia (nesik Dagmar de Dinamarca) katka.
Olga taketzki ne tajtaketzalis Inglés wan Franciachanej sujsul wey. Yaja kipij se tamachtiani Suizachanej itukey wan itzuntukey Pierre Gilliard, wan kipij se tamachtiani Britaniachanej nusan, wan itukey Sydney Gibbes.
Olga weya tik ne Palacio Peterhof wan nemanha tik ne Palacio Alejandro tik ne techan Tsarskoye Selo katka. Yaja kipij se tapech iwan ipipi Tatiana, wan yejemet kitalijket kwachti. Yaja sujsul igustuj kitzuzuna ne piano wan amatachia ajamachti katka.
Yaja chapachin katka, wan tzunshilut katka. Ijiish susul katka.
Keman pejtuk ne Primera Guerra Mundial, Olga muchiwki ka se tapajtiani inwan inan wan iikaw Tatiana, pal ne kukuyani tajtasumani Rusiachanej tik ne kaltapajtiani tik ne techan Tsarskoye Selo.
Ne shiwit 1917, ne Revolución pejtuk wan iteku, Zar Nicolás II, te nenki ne Tatuktiani. Olga iwan imiekawan kikaltzajket tik ne Palacio Alejandro. Nemanha, nenket tik se kal tik ne techan Tobolsk, wan nemanha, tik se kal tik ne techan Ekaterimburgo.
Ken mikik?
[shikpata | Shikpata ne tajkwilulchin]Ne Bolcheviques miktijket Olga wan muchi imiekawan ne shiwit 1918 tik ne techan Ekaterimburgo tik ne kal "Ipatiev". Nemanha, ne Bolcheviques kiitatijket wan kiishtijket ituweyka ka se kal apunian tik ne kwawital inawak ne techan Ekaterimburgo. Ttik ne shiwit 1991, kiajsiket ne iweyka.
Icasoj an
[shikpata | Shikpata ne tajkwilulchin]Tik ne shiwit 2000, Olga Nikoláyevna muchiwki ka Santa Olga tik ne tipuan Ortodoxa tik Rusia.