Nizar Qabbani
.jpg)
Nizar Qabbani
[shikpata | Shikpata ne tajkwilulchin]Kaj tiktukeytiat Nizar Tawfiq Qabbani (tik árabe, نزار توفيق قباني), yaja nesik tik ne wey techan Damasco tik Siria se tunal se pual se pal ne metzti yey tik ne shiwit se shikipil chiknawi tzunti se pual yey (21/03/1923) wan mikik tik Londres tik Reino Unido se tunal se pual majtakti pal ne metzti nawi tik ne shiwit se shikipil chiknawi tzunti nawi pual chikwey (30/04/1998).
Itekiw
[shikpata | Shikpata ne tajkwilulchin]Yaja tawawasuani, takwikaliswawasuani [1]wan tatuktiani (diplomático) sirio katka. Miak tuijikniwan kishkejketzat ka yaja ne wey takwikaliswawasuani [1] tik Siria. Tik ne amachti iwan takwikalis [2]yaja kiwawasua katka ka keman tuijikniwan senkuchit (eróticos). Wan nusan kinwawasua pal sijsiwatket wan inderechos katka, yajika, an tuijikniwan kishmatit ika achtu feminista witz Medio Oriente.
Yaja mumachtia leyes wan kiwawasua se achtu iamach keman mumachtiani katka. Nemanha, keman kiajshitilia itamachtilis katka, tekiti ken se tatuktiani (diplomático) ipal Siria tik miak wey tejtechan ken Beirut, Cairo, Estambul, Madrid wan Londres katka. Wan nusan tekiti tik China ken vice-secretario ipal República Árabe Unida.
Itunal ichtaka
[shikpata | Shikpata ne tajkwilulchin]Iteku sirio wan inan turca katka. Iteku kichiwa wan kinamaka chukulat katka. Iteku nusan kinpalewia tuijikniwan ka kinseliat ne mandato francés inpampa Siria wan Líbano katka. Nizar Qabbani weya wan nusan kinselia katka tuijikniwan ka kipiajtuyat yultajtaketzalis colonialistas. Yaja mumaniktia katka, pero achtu isiwaw mikik. Senpa munamiktia katka wan senpa isiwaw mikik. Kinpia nawi iujukichpíltzin katka.