Ninoy Aquino
Ninoy Aquino
[shikpata | Shikpata ne tajkwilulchin]Benigno Simeón Aquino y Aquino (1932-1983) kaj tiktukeytiat Benigno Aquino Jr. wan Ninoy Aquino, kutulinkwikwilchiwani wan tawawasuani Filipinaschanej katka.
Ne itunal ichtaka
[shikpata | Shikpata ne tajkwilulchin]Ninoy Aquino nesik tik ne techan Tarlac tik Filipinas tik ne shiwit 1932. Imiekawan sujsul pujpudiente wan tetzijtzinal tik ne isla Luzón. Itejtekuwan Benigno S. Aquino, Sr. wan Aurora Aquino wan itatanoy Servillano Aquino katka. Servillano Aquino tasumani iwan tatuktiani tajtasumani Emilio Aguinaldo katka. Isiwaw itukey Corazón Aquino katka. Yaja kipiaj ume ipijpipil : Benigno Aquino III wan Kris Aquino.
Ne itekiw
[shikpata | Shikpata ne tajkwilulchin]Keman kipiaj 17 shiwit, pewtuk itekiw tik ne Guerra de Corea wan kutulinkwikwilchiwani katka. Tatuktiani Elpidio Quirino kimakak Ninoy Aquino ne takulis filipinaschanej "Legión de Honor". Nemanha, muchiwa ken ne piltzín senador tik ne Filipinas. Tik ne shijshiwit yey pual, ministro katka. Aquino tesu kineki tatuktiani wan dictador Ferdinand Marcos katka. Ne shiwit 1972, Ferdinand Marcos iketztuk Ninoy Aquino. Nemanha, ne shiwit 1980, Aquino sujsul kukuya katka, wan tatuktiani Marcos kituktia Aquino wan imiekawan ka EEUU. Ika tuijikniwan Filipinas tesu yek katka wan kimunekit Ninoy Aquino, Aquino mukwepa ka Filipinas katka. Ne shiwit 1983, tik ne tepuspatani tik ne techan Manila, tajtamiktiani miktiajtuyat Ninoy Aquino.