Nantzin Fidelina Cortéz
Nantzin Fidelina Cortéz
[shikpata | Shikpata ne tajkwilulchin]
Itukay Fidelina Cortéz, nesik se tunal 24 pal ne metzti febreroj tik ne shiwit se shikipil chiknawi tzunti ume pual (24/2/1940). Yaja kumalchiwani.
Nantzin Fidelina se nawatajtaketza tik ne techan Witzapan (Santo Domingo de Guzmán, Sentzunat), wan kipia 85 shiwit. Yaja se siwat tekitik wey keman yaja kipiatuya 10 shiwit wan pejki kunchiwa wan kumalchiwa ika ne inan kilwitij. Kunij, keman yaja kipiatuya 15 shiwit yaja mujmusta kinamakak kumit wan kumal ne tukniwan kikuat et wan tawial.
Yaja kinamaka katka kumal tik Armenia, Ajwechapan, San pedro Pushta, San Julian wan Sentzunhat. Nusan yaja tamachtia katka nawat tik tamachtiluyan "Timumachtikan nawat".
Ne imiaka
[shikpata | Shikpata ne tajkwilulchin]
Ne iteku itukey katka Valentin García wan inan itukey kata Eusebia Cortéz ne inan se kumalchiwani wan iteku se tatukani. Keman yaja siwapil katka, yaja tesu kipiatuya ne tumin wan tesu kipiatuya ne ikwajkwach, kunij inan kikua katka ne kwachti wan yaja kikutuna katka ume takutun pal ikwey wan neman kijtzuma katka ne ikwey wan ne iwipil.