NE WEY TAMIKTIALIS 1932

Ne wey musumalis^[1] pal ne tuijikman tik ne shiwit se shikipil chiknawi tzunti se pual majtakti ume (1932) titukeytiat ne wey tamiktialis 1932 tamik pal miki intzalan ken kalaki ne tunal wan se takutun intzajtzalan ipal tutalyu Kuskatan.

Neman ne ejejkunimet walajket ka kuskatan tik ne shiwit se shikipil makwil tzunti se pual nawi (1524) nuijikman sujsul yulkukuaket ika ne ejejkunimet kinihctejket ne ital inpal yejemetsan

Neman ne wey tamakishtialis tik ne shiwit se shikipil chikyey tzunti se pual se (1821) ne kaltatuktialis^[2] kichiwki itekiw tesu yek ika ne ijikman tesu kipiatuyat tumin wan tesu kipiatuyat ne ital pal ne kitukat. Pal ne shiwit se shikipil chiknawi tzunti se pual chiknawi (1929) ne ipatiw ne ush nemik chupi ipatiw. Kunij ne tuijikniwan kwalanit wan musumat inwan ne kaltatuktialis ika ne inmiekawan kisenpiatuyat wey tumin wan kisenpiatuyat ne ital pal ne tukat wan ne tuijikniwan ^[3]tesu kipiatuyat ne ital pal ne tukat. Melka yejemet kinchiwki intekiw inpal yejemet ne kintashtawalis chupisan wan kinishpinawaltia.

Pal ne shiwit se chikipil chiknawi tzunti se pual majtakti (1930) ne kintashtawalis katka iwan ume tamal wan ume kwelpaj iwan et, ne achtu keman pejket ne intekiw wan ukse keman tamijket ne intekiw nusan. Wan yejemet tesu welijtuyat kinkuat iwan ne tumin ika ne tumin kinihspata pal ne taiwan tik ne ikaltuktialis^[4] yejemetsan. Tik ne shiwit se shikipil chiknawi tzunti se pual majtakti se (1931) ne kuskatanchanejket kinishtemuj ne yankwik tatuktiani ^[5]kaj titukeytijket Arturo Araujo peroj yaja kichiwki tesu yek itekiw ika yaja kichiwki ka intekiw inpal yejemet ne kintashtawalis sujsul chupisan.

Kunij ne ejercitoj ka Kuskatan kinishpatki ne tatuktiani wan kintalij se tajtakamet ka ne kaltatuktialis pal ne ejercitoj kwak ne ejercitoj kinishpatuyat ne tatuktiani tuijikniwan pejket musumat ika yejemet kwualanit, ika ne kintashtawalis sujsul chupisan ipanpa Arturo Araujo ini musumalis tejemet tikishmatket ken “REVUELTA DE IZALCO” kan nemiket se pual nawi shikipil (24,000) mijmikinimet sujsul yejemet ijikman^[6], ujukse pal ne ejercitoj ujukseuk tajtatukanimet. Neman yajki ne tatuktiani Maximiliano Hernández Martínez pal ne metzti majtakti ume tik ne shiwit se shikipil chiknawi tzunti se pual majtakti se (12/1931

Keman ne tatuktiani Martínez pejki tekiti yaja sujsul kualani ika yaja kintuktia iwan itunal ika tesu akaj welituyat kinichteki su tea yaja kinkutuna ne imey wan ne tatuktiani kichiwki ne leyes kan ne kaltatuktialis welituyat kinmiktia su ijikniwan kualanit inwan ne kaltatuktialis.

Ne ejercito Kuskatanchanejket kinpalewijtuyat tamik musumalis pal ne kaltatuktialis, ne ijikman wan tesu ijikman pejket musumat inwan ne kajkaltatuktialis tik ne itejtechan wan ne Partido Comunista Salvadoreño nusan pejki musuma inwan ne kajkaltatuktialis tik ne itejtechan muchi pal ne chichiukialis wan ne tesu sajsanse. Ne wey musumalis sennemik pal ne Levantamiento Comunista Melka ini se tashijshikualis ika ne tuijikman tesu sennemik "Comunistas"

Se tunal se pual ume pal ne metzti se tik ne shiwit se shikipil chiknawi tzunti se pual majtakti ume (1932) sujsul tajtatuktianimet kinkwualanit wan yejemet pejket se musumalis iwan tajtakutunalis wan kinmiktijket tajtakamet pal ne ejercito wan kinkwik ne ijtejtechan ken Itzshalku, Nawitzshalku wan ujukse yejemet kinmiktijket ume pual majtakti tajtakamet pal ne ejercito wan ijikniwan. Neman ini tamiktialis ne kaltatuktialis yawit inhipan kinishwilewat ne tajtamiktianimet neman ne ejercitoj pejki kinmiktia ne ikniwan muchi sijsiwatket ikwajkwach pal ne ikniwan, ne tajtakamet nusan wan muchi ijikniwan taketzat nawat kintajtawelijket ken tamiktiani wan kinmiktijket. Sejse tanestuk neman nemijket intzalan sepual makwil shikipil (25,000) ijikman wan se pual majtakti shikipil (30,000) ijikman mikiket.

Ne ujukse ijikniwan yujyultiwit minashket wan Yejemet Tesu welit taketzat nawat, wan tesu welit kitalijket ne ikwajkwach pal ne iijkniwan wan ne iijiu kintakaktulijket ne nawat pejki Miki wan sejse shiwit neman yejemet majmawit Kenhayuk.