Mark Twain

Samuel Langhome Clemens, kaj tiktukeytiat “Mark Twain,” se tawawasuani tapakiltiani katka. Yaja Estadosunidoschanej. William Faulkner kinutzki Twain “ne iteku pal estadosunidoschanej amatachialis.” Twain wey ajamachti “The Adventures of Tom Sawyer” wan ne ume takutun “Adventures of Huckleberry Finn” katka. Ne ume takutun tikishmatket ken “the Great American Novel” (ne Wey Estadosunidos Amachti).

Ne Itunal Ichtaka

Samuel Langhorne Clemens nesik se tunal se pual majtakti pal ne metzti majtakti se tik ne shiwit se shikipil chikwey tzunti se pual kashtul (1835) tik ne techan Florida, se takutun ipal Missouri. Yaja se chikwasen pal chikume ipilawan. Inan itukey katka Jane wan iteku itukey katka John Marshall Clemens. Jane witz Kentucky wan John witz Virginia katka.

Yaja weyak maya inwan se imanuj, se iikaw, wan se ieltiw. Intukey katka Orion (1825-1904), Margaret (1830–1839), wan Henry (1838–1858). Pleasant Hannibal mikik keman kipia kashtul tunal tik ne shiwit se shikipil chikwey tzunti se pual chikwey (1828), Margaret mikik keman kipia chiknawi tunal tik ne shiwit se shikipil chikwey tzunti se pual kashtul nawi (1839), wan Benjamin mikik keman kipia majtakti shiwit tik ne shiwit se shikipil chikwey tzunti ume pual ume (1842).

Keman Twain kipia nawi shiwit katka, imiekawan yawit ka Hannibal, Missouri tik ne Mississippi River. Iteku mikik ika tesu weli ijiumiki tik ne shiwit se shikipil chikwey tzunti se pual chikwey (1847) keman Twain kipia majtakti se shiwit. Keman Twain kipia majtakti ume shiwit, pewa tekiti ken "tipografo" katka. Tik ne shiwit se shikipil chikwey tzunti ume pual majtakti se (1851), yaja yawi tekiti iwan imanuj Orion tik ne Hannibal Journal. Keman Twain kipia kashtul yey shiwit, yawi tekiti tik Nueva York, Philadelphia, St. Louis, wan Cincinnati.

Twain munamiktij iwan Olivia Langdon tik ne shiwit se shikipil chikwey tzunti yey pual majtakti (1870) tik Elmira, New York. Yejemet inchan nemi tik ne techan Buffalo, New York. Kipia se ipíltzin melka mikik tik ne shiwit se shikipil chikwey tzunti se pual majtakti ume (1872) keman kipia kashtul nawi metzti katka. Kipia yey isijsiwapíltzin katka. Intukey katka Susy, Clara, wan Jean.

Tik ne shiwit se shikipil chikwey tzunti yey pual yey (1873), Twain wan ne imiekawan yawit ka Hartford, Connecticut. Twain iwawasua miak iamachti tik kashtul ume tik Hartford.

Olivia mikik tik ne shiwit se shikipil chiknawi tzunti nawi (1904). Ne imiekawan kitalpachuat katka kan nemit ne shajshaput ne Woodlawn Cemetery tik Elmira, New York.

Tay Kichiwa

Twain achtu wey tekiti “The Celebrated Jumping Frog of Calaveras County” kiski tik se tunal kashtul yey pal ne metzti majtakti se tik ne shiwit se shikipil chikwey tzunti yey pual makwil (1865).

Twain ume wey tekiti “The Adventures of Tom Sawyer.” Ne casoj ipal amachti wan ne casoj ipal itunal keman Twain ichan nemik tik ne techan Hannibal chupi sajsansen katka. Tom Sawyer wan Twain keman piltzín chupi sajsansen nusan katka. Ikujkumpa intukey John Briggs wan Will Bowen nemik tik ne casoj nusan. Tik Ini amachti, tikishmatit Huckleberry Finn, ne ichaku ipal Tom Sawyer.

Nemanha Twain kiwawasuj “Adventures of Huckleberry Finn.” Miak mujmumachtianimet amatachijket ini amachti tik tamachtiluyan tik Estadosunidos. Sejse inaket ka ini amachti ne achtu wey amachti ipal Estadosunidos.

Ken Mikik

Twain nesik majtakti nawi tunal ka iipan Halley sitalkuat ejkuk tik ne shiwit se shikipil chikwey tzunti se pual kashtul (1835). Tik ne shiwit se shikipil chiknawi tzunti chiknawi (1909) Twain inak:

“Naja niwtiz iwan Halley sitalkuat tik ne shiwit se shikipil chikwey tzunti se paul kashtul (1835) katka. Nuyulu yaw-chuka su tesu niyawi iwan Halley sitalkuat.”

Twain mikik ika tamik iijiu tik se tunal se pual se pal ne metzti nawi tik ne shiwit se shikipil chiknawi tzunti majtakti (1910) tik Stormield, Connecticut. Se metzti nemanha Halley sitalkuat panultij unisan ne Taltikpak.

Yaja kitalpachua katka nemi ne shajshaput ne Woodlawn Cemetery tik Elmira, New York.

Ijilpika

Mark Twain: https://en.wikipedia.org/wiki/Mark_Twain

Coplin, Keith (1970). "John and Sam Clemens: A Father's Influence". Mark Twain Journal. 15 (1): 1–6. ISSN 0025-3499. JSTOR 41640872. Archivado del original en June 5, 2024. Consultado June 4, 2024.

"Samuel Clemens". PBS:The West. Archivado del original en September 11, 2007. Consultado August 25, 2007.