Marcella Althaus-Reid

Marcella Althaus-Reid

Nesik	se tunal 11 pal ne metzti makwil tik ne shiwit 1952.
Mikik	se tunal 20 pal ne metzti ume tik ne shiwit 2009.
Italyu	Argentina
Itekiw	Tamachtiani wan tiut mumachtiani.
Ishulejyu	Gordon Reid.

Marcella Althaus-Reid nesik tik ne techan Rosario, se takutun ipal Argentina, se tunal majtakti se pal ne metzti makwil tik ne shiwit se shikipil chiknawi tzunti ume pual majtakti se (1952) wan mikik se tunal se pual pal ne metzti ume tik ne shiwit ume shikipil chiknawi (2009).

Yaja se tamachtiani wan tiut mumachtiani.

Ne itunal ichtaka:

Ne inan itukey katka Ada Althaus wan ne iteku itukey katka Alberto Althaus. Marcella weyak tik Buenos Aires. Keman yaja chikitik, yaja wan ne inan chichiuk katka, yejemet tesu kipiaket inchan. Marcella weyak tik ne Catolica tiupan, melka yaja pejki yawi tik ne Metodista tiupan ika ne Catolica tiupan tesu ajkawa ne sijsiwatket ka mumachtia tik tamachtiluyan pal mumachtia ipanpa ne tiut^[1] . Yaja yawi tik ne Instituto Superior Evangelico de Estudios Teologicos (ISEDET) tamachtiluyan, kan yaja mumachtij pal muchiwa tiut mumachtiani. Ini tamachtiluyan machtijtuya ipanpa ne tiut mumachtilis pal ne tamakishtilis^[2]. Nemanha Marcella kisak ne ISEDET tamachtiluyan, yaja mumachtij ukchupi tiut mumachtilis, yaja mumachtij ipanpa ne tiut mumachtilis pal ne tamakishtilis, pal ne sijsiwatket tamakistilis wan ne cuir tiut tamakistilis.^[3] Tik ne shiwit se shikipil chiknawi tzunti nawi pual majtakti nawi (1994), Marcella kiajshitilij ne imumachtilis tik St. Andrews wey tamachtiluyan tik Escocia. St. Andrews in Scotland.

Marcella munamiktij Gordon Reid. Yaja yawi tik Escocia kan yaja kipiak ne yankwik ichan. Tik Escocia, yaja pejtuya yawi tik ne Quaker tiupan.

Ipanpa uni:

↑ Seminario. Escuela de teología. Lit. escuela para estudiar acerca de lo sagrado/Dios
↑ Teología de la liberación. Lit. los estudios de lo sagrado/Dios para la libertad.
↑ Teología cuir/queer.

Ijilpika:

https://es.wikipedia.org/wiki/Marcella_Althaus-Reid

https://lgbtqreligiousarchives.org/profiles/marcella-althaus-reid#:~:text=Biography,Severino%20Croatta.

https://www.churchtimes.co.uk/articles/2021/3-september/books-arts/book-reviews/queer-and-indecent-an-introduction-to-the-theology-of-marcella-althaus-reid-by-thia-cooper

https://qspirit.net/marcella-althaus-reid-queer-theology/

https://en.wikipedia.org/wiki/Marcella_Althaus-Reid

[1] Seminario. Escuela de teología. Lit. escuela para estudiar acerca de lo sagrado/Dios

[2] Teología de la liberación. Lit. los estudios de lo sagrado/Dios para la libertad.

[3] Teología cuir/queer.

[1]

[2]

[3]