María Nikoláyevna de Rusia
María Nikoláyevna de Rusia
[shikpata | Shikpata ne tajkwilulchin]
María Nikoláyevna Romanova (1899-1918) se isiwapíltzin ne tatuktiani Zar Nicolás II de Rusia.
Itunal Ichtaka
[shikpata | Shikpata ne tajkwilulchin]Nesik tik ne techan San Petersburgo, Rusia, tik ne Palacio Peterhof. Inan Zarina Alejandra Fiódorovna (nesik ken Alix De Hesse-Darmstadt) wan Alemaniachanej katka wan iteku Tatuktiani Zar Nicolás II de Rusia. María kinpiak ume ipipiwan, Olga Nikoláyevna de Rusia (1895-1918) wan Tatiana Nikoláyevna (1897-1918) wan se iikaw, Anastasia Nikoláyevna (1901-1918). María kipij se iikaw, Alexis Nikoláyevich de Rusia (1904-1918).
Iipan inoya ne Tatuktiani Reína Victoria del Reino Unido (1819-1901) katka. Itajtatanoy ne Tajtatuktiani Zar Alejandro III de Rusia wan Luis IV de Hesse-Darmstadt katka. Inojnoywan Alicia del Reino Unido wan María Fiódorovna de Rusia (nesik Dagmar de Dinamarca) katka.
María taketzki ne tajtaketzalis Inglés wan Franciachanej sujsul wey. Yaja kipij se tamachtiani Suizachanej itukey wan itzuntukey Pierre Gilliard.
María weya tik ne Palacio Peterhof wan nemanha tik ne Palacio Alejandro tik ne techan Tsarskoye Selo katka. Yaja kipij se tapech iwan iikaw Anastasia, wan yejemet kitalijket kwachti. Yaja sujsul igustuj takwikwilua katka.
Yaja kojtik wan tejtetzilnaj katka, wan itzunkal kupuknaj katka. Ijiish susul wan sujsul galanchin katka.
María sujsul kipajpawij katka. Muchi imiekawan kitasujtak María. Yaja kitemik munamiktia iwan takat wan kipia chikitin imiekawan. María kitasujtak Louis Mountbatten, ne ikunew ipipi inan Victoria de Hesse-Darmstadt. Keman María mikik, Louis kipij se ikwikwil María ijpak ne patznaj inawak tapech, wan ishtikaya kikajkamakwaj ne ikwikwil María ka tayua, hasta mikik ne shiwit 1979.
Keman pejtuk ne Primera Guerra Mundial, María siwapil katka, ika mawiltiaj inwan ne kukuyani tajtasumani Rusiachanej tik ne kaltapajtiani tik ne techan Tsarskoye Selo.
Tik ne shiwit 1917, ne Revolución pejtuk wan iteku, Zar Nicolás II, te nenki ne Tatuktiani. María iwan imiekawan kikaltzajket tik ne Palacio Alejandro. Nemanha, nenket tik se kal tik ne techan Tobolsk, wan nemanha, tik se kal tik ne techan Ekaterimburgo.
Ken mikik?
[shikpata | Shikpata ne tajkwilulchin]Ne Bolcheviques miktijket María wan muchi imiekawan tik ne shiwit 1918 tik ne techan Ekaterimburgo tik ne kal "Ipatiev". Nemanha, ne Bolcheviques kiitatijket wan kiishtijket ituweyka ka se kal apunian tik ne kwawital inawak ne techan Ekaterimburgo. Ttik ne shiwit 1991, kiajsiket ne iweyka.
Icasoj an
[shikpata | Shikpata ne tajkwilulchin]Tik ne shiwit 2000, María Nikoláyevna muchiwki ka Santa Tatiana tik ne tipuan Ortodoxa tik Rusia.