Linkin Park
Yejemet sojsonchiwanimet wan nesiket tik Agoura Hills, California.
Linkin Park kipiat chikwasen tuijikniwan.
Ne achtu takwikani Chester Bennington nesik tik se pual (20) pal ne metzi yey (3) tik ne shiwit se shikipil chiknawi tzunti nawi pual kashtul se (1976) tik Phoenix, Arizona tik ne italyu United States. Ne iyulu Chester chuka katka wan yaja tzuntawana katka. Yaja miktia isel katka[1] tik se pual (20) pal ne metzi chikume (7) tik ne shiwit se shikipil chiknawi tzunti kashtul ume (2017).
Ne yankwik takwikani Emily Armstrong nesik se tunal chikwasen (6) pal ne metzi yey (3) tik ne shiwit se shikipil chiknawi tzunti nawi pual chikwasen (1986) tik ne techan Los Angeles, California tik ne italyu United States. Emily takwika nusan pal Dead Sara; yejemet kenhayuk sennemit[2].
Yey tajtakamet kitzutzunat tepusonchiwalis. Yejement itukey Mike Shinoda, Brad Delson, Dave Farrell.
Mike Shinoda nesik se tunal majtakti se (11) pal ne metzi ume (2) tik ne shiwit se shikipil chiknawi tzunti yey pual kashtul se (1977) tik ne techan Panorama City, California tik ne italyu United States.
Brad Delson nesik se tunal se (1) pal ne metzi majtakti (12) tik ne shiwit se shikipil chiknawi tzunti yey oual kashtul ume (1977) tik ne techan Agoura tik ne italyu United States.
Dave Farrell nesik se tunal chikwey (8) pal ne metzi ume (2) ik ne shiwit se shikipil chiknawi tzunti yey pual kashtul se (1977) tik ne techan Plymouth Massachusetts tik ne italyu United States.
Joe Hahn tzutzuna yajyawaltakwikalis. Yaja nesik se tunal kashtul (15) pal ne metzi yey (3) tik ne shiwit se shikipil chiknawi tzunti yey pual kashtul se (1977) tik ne techan Glendale, California tik ne italyu United States.
Ne tawewetzutzunan Colin Brittain nesik se tunal se pual chiknawi (29) pal ne metzi majtakti (12) tik ne shiwit se shikipil chiknawi tzunti nawi pual chikwasen (1986) tik ne techan Pensacola, Florida tik ne italyu United States.
Linkin Park kichiwki miak yajyawaltakwikalis[3]:
[shikpata | Shikpata ne tajkwilulchin]-Hybrid Theory (Ume shikipil, 2000)
-Meteora (Ume shikipil yey; 2003)
-Minutes to Midnight (Ume shikipil chikume; 2007)
-A Thousand Suns (Ume shikipil majtakti; 2010)
-Living Things (Ume shikipil majtakti ume; 2012)
-The Hunting Party (Ume shikipil majtakti nawi; 2014)
-One More Light (Ume shikipil kashtul ume; 2017)
-From Zero (Ume shikipil se pual nawi; 2024)
Ne yawaltakwikalis “Hybrid Theory” kichiwa katka yejemet ombrón tik ne talsital ika Linkin Park sentakwika rock, hip-hop, wan rap. Linkin Park takwikat inpanpa tuijikniwan keman yejemet mukwalantiat wan iyuluchuka.