Kwame Ture

Kwame Ture

Kwame Ture nesik se tunal se pual chiknawi pal ne metzti chikwasen tik ne shiwit se shikipil chiknawi tzunti ume pual se (1941). Ne ichan nemi tik ne wey techan Puerto España tik Trinidad y Tobago katka.

Yaja se tapalewiani, tawawasuani wan tamachtiani katka.

Ne Itunal Ichtaka

Ne inan itukey Mabel R. Carmichael wan tekiti tik se tawikani tik ne at. Ne iteku itukey Adolphus, wan yaja tzitalijkachiwani wan tawikani nusan katka.

Keman kipia majtakti se shiwit, Ture yawi ka Harlem, Nueva York wan kinputzua inwan itejtekuwan katka. Ne inoya wan ume ne ieltiw iteku kiskaliat Ture katka. Yaja kinpia yey iikaw katka.

Ture munamiktia iwan takwikani Miriam Makeba, SurAfricachanej, tik ne shiwit se shikipil chiknawi tzunti yey pual chikwey (1968) katka. Tiwejkatiat tik Guinea tik ne shiwit se shikipil chiknawi tzunti yey pual majtakti yey (1973) katka. Nemanha munamiktia Marlyatou Barry, se tapajtiani Guineachanej katka. Wejkatiat nemanha kipuni ne ipíltzin Bokar tik ne shiwit se shikipil chiknawi tzunti nawi pual se (1981) katka.

Ture kinpia ume ipíltzin Bokar Biro Ture wan Alpha Yaya katka.

Tay Kichiwki?

Ture yawi ka tamachtiluyan itukey Bronx High School of Science tik Nueva York katka. Nemanha tik ne shiwit se shikipil chiknawi tzunti yey pual, yawi ka Howard University, se wey tamachtiluyan inpal tuijikniwan tijtiltikchichin, tik Washington, D.C. Kinhishmati ne wey tajtamachtianimet Sterling Brown, Nathan Hare wan Toni Morrison katka. Kiajshitilia ne wey amat ipanpa filisofia tik ne shiwit se shikipil chiknawi tzunti yey pual nawi (1964) katka.

Ne itekew: Ne ajamachti ipal Kwame Ture

• Stokely Speaks: From Black Power to Pan-Africanism (1965), ISBN 978-1-55652-649-7
• Black Power: The Politics of Liberation (1967), ISBN 0679743138
• Black Power (1968), Liberation Records DL-6
• Free Huey! (1970), Black Forum/Motown Records BF-452 (reissued in 2022 as Black Forum/Motown/UMe/Universal 456 139)
• Ready for Revolution: The Life and Struggles of Stokely Carmichael (Kwame Ture) (2005), ISBN 978-0684850047

Ken Mikik?

Tik ne shiwit se shikipil chiknawi tzunti nawi pual kashtul se (1996) ne tajtapajtiani kilwiat Kwame Ture pal kipia tesajsay kukulis tekwisiji iukichya katka. Yaja mikik se tunal kashtul pal ne metzti majtakti ume tik ne shiwit se shikipil chiknawi tzunti nawi pual kashtul se (1996). Yaja mikik ipanpa tesajsay kukulis tekwisiji iukichya tik Conakry, Guinea tik ne Africa katka. Kwame Ture kipia ume pual kashtul yey keman mikik katka.

Ijilpika:

• Kwame Ture Wiki Link (In English): https://en.wikipedia.org/wiki/Stokely_Carmichael
• Kwame Ture Enlace de Wiki (En Espańol): https://es.wikipedia.org/wiki/Stokely_Carmichael
• Reflection on Kwame Ture (In English): https://hoodcommunist.org/2022/06/30/reflections-on-kwame-ture/
• Stokely Carmichael (In English): https://www.history.com/topics/black-history/stokely-carmichael