Juan Gabriel

Alberto Aguilera Valadez, kaj tiktukeytiat Juan Gabriel wan ne Divo de Juárez nusan, nesik se tunal chikume pal ne metzti se tik ne shiwit se shikipil chiknawi tzunti ume pual majtakti (1950) tik ne techan Parácuaro, Michoacán.

Yaja ne wey Mexicochanej takwikani wan takwikalismawawasuani^[1].

Ne itunal ichtaka

Ne iteku itukey Gabriel Aguilera Rodriguez wan inan itukey Victoria Valadez Rojas, wan yejemet tajtatukanimet katka. Juan Gabriel tzinpe wan kinpia chiknawi ieltiwan wan imajmanujwan katka. Keman Juan Gabriel chikitik, ne iteku tesu nemik yek tik itzuntekun yajika kiwikaket ka ne kaltapajtiani.

Itepal iteku Juan Contreras kiskalij wan kipalewij Juan Gabriel keman chikitik. Tik ne shiwit se shikipil chiknawi tzunti yey pual majtakti se (1971), Juan Gabriel kipatak ne itukey inpanpa itepal iteku Juan Contreras wan iteku Gabriel Aguilera.

Tay kichiwki?

Juan Gabriel ne wey takwikani wan takwikalismawawasuani^[2] tik Latinoamerica katka. Miak tuijikniwan kimatket Juan Gabriel. Tamakak se tzunti ume pual majtakti (150) millones takwikalis tik ne taltikpak.

Kinmawawasuj se shikipil chikwey tzunti (1800) takwikalis. Se shikipil makwil tzunti (1500) takwikani kinpataket ne tajtakwikalis ipal Juan Gabriel tik turco, alemán, francés, italiano, tagalo, japonés, griego, papiamento, portugués e inglés.

Tikinhishmatit ne wey tajtailwitilis ipal Juan Gabriel. Tik ne shiwit se shikipil chiknawi tzunti nawi pual majtakti yey, ne Rose Bowl tik Pasadena, California mutemaki isel inwan yey pual kashtul shikipil (75,000) tuijikniwan. Juan Gabriel takwikak tik ne Hollywood Bowl, Orange Bowl, Florida Park de Madrid, Plaza México wan Estadio Azteca nusan. Tik ne shiwit ume shikipil (2000), yey tzunti ume pual majtakti shikipil (350,000) tuijikniwan yawit kitat ne takwikani tik ne Zócalo Capitalino katka.

Ne itekiw

1971: El alma joven
1972: El alma joven II
1973: El alma joven III
1978: Te llegará mi olvido
1978: Siempre en mi mente
1978: Espectacular
1978: Mis ojos tristes
1979: Me gusta bailar contigo
1980: Recuerdos
1980: Ella
1981: Con tu amor
1982: Cosas de enamorados
1983: Todo
1984: Recuerdos II
1986: Pensamientos
1994: Gracias por esperar
1999: Todo está bien
2000: Abrázame muy fuerte
2001: Por los siglos
2003: Inocente de ti
2011: 1 Es Juan Gabriel
2012: Celebrando
2015: Los dúo
2015: Los dúo 2
2022: Los dúo 3

Ken mikik?

Juan Gabriel mikik keman kipia yey pual chikwasen shiwit ika tamik iijiu tik ne iyulu se tunal se pual chikwey pal ne metzti chikwey tik ne shiwit ume shikipil kashtul se (2016). Kiwikaket ne iweyka ka Palacio de Bellas Artes, kan chikume tzunti shikipil tuijikniwan kitaket, wan majtakti se millones tuijikniwan kitaket ka tepustajtaketzalis^[3].

Ipanpa Uni:

↑ compositor musical
↑ Compositor
↑ television

Ijilpika:

https://www.elsoldemexico.com.mx/gossip/celebridades/la-vida-de-juan-gabriel-en-70-datos-4667986.html

https://www.sacm.org.mx/Informa/Biografia/13621

https://www.cmtv.com.ar/biografia/show.php?bnid=1691&banda=Juan_Gabriel

https://www.excelsior.com.mx/funcion/quienes-son-los-hijos-de-juan-gabriel-y-que-ha-sido-de-ellos/1670775

[1] sitor musical

[2] Compositor

[3] television

[1]

[2]

[3]