Hayley Williams

Hayley Williams nesik tik tunal se pual chikume (27) pal ne metzi majtakti ume (12) tik ne shiwit se shikipil chiknawi tzunti nawi pual chiknawi (1988) tik Meridian, Mississippi tik ne italyu United States.

Ne itekiw:

Hayley kichiwki katka yey yawaltakwikalis:

• Petals for Armor (Ume shikipil se pual; 2020)
• Flowers for Vases / Descansos (Ume shikipil se pual se; 2021)
• Ego Death at a Bachelorette Party (Ume shikipil se pual makwil; 2025)

Ne ichtaka itunal:

Ne inan itukey Cristi Williams; yaja se Estados Unidoschanejket.

Wan ne iteku itukey Joey Williams. Yaja se Estados Unidoschanejket nusan. Hayley kipia ume iikaw.

Keman Hayley kipia katka majtakti yey (13) shiwit, yaja mijkwani ka Franklin, Tennessee. Tik ne techan, yaja kishmati katka Josh Farro, Zac Farro, wan Jeremy Davis. Nemanha, yejemet sojsonchiwanimet Paramore. Tik Paramore, Hayley takwika inpanpa iyulu chuka wan ne tasujtalis.

Ne tatuktiani pal Atlantic Records kineki katka ma Hayley takwika isel pero Hayley kilwia tesu. Hayley ina ma yaja yaw-naka iwan ichajchakuwan. Neman Atlantic Records kinankilia ma eje Paramore weli sennemit. Yejemet kichiwki katka chikwasen yajyawaltakwikalis.

Tik ume shikipil kashtul se (2016), Hayley munamiktia katka Chad Gilbert peroj an yejement tesu sennemi. Tik ume shikipil se pual ume (2022), Hayeley muilpia iwan Taylor York; Taylor kitzutzuna ne mekawewet tik Paramore. Amejemet tesu ankimatit su yejemet sennemit an.

Hayley kikwikwilua itzunkal miak itajtachishka. Yaja kinamaka ne itajtachishka pal itzunkal tik Good Dye Young.

Hayley tesu tzuntawana. Yaja kineki ne talsital sujsul yek: Hayley kipalewia feminismo, Black Lives Matter, wan No Music for Genocide. Yaja tesu igustuj conservatismo wan ne tatuktiani pal italyu United States Donald Trump.

Ijilpika:

https://paramore.net/ Paramore Official Website

https://gooddyeyoung.com/ Good Dye Young Official Website

https://www.hayleywilliams.net/ Hayley Williams Official Website