Harriet Tubman

Harriet Tubman kaj tiktukeytiaj Araminta Ross. Yaja nesik tik ne techan Dorchester County, Maryland. Se takutun ipal Estados Unidos. Tik se shikipil chikwey tzunti se pual (1820). Yaja itejtekuwan esclavos inhtekuyu Mary Pattinson Brodess wan Anthony Thompson Katka. Itekuyu inhmaka Harriet Tubman katka wan yaja se siwapil katka, se takat istakchin muchaluj itzuntekun ipal Harriet wan yaja kipia kukulis itzuntishyu^[1], kikukua kitzuntekun, wan kukulis kuchi^[2] pal wey itunal katka.

Yaja kinamikitia se takat itukey John Tubman tik ne se shikipil chikwey tzunti ume pual nawi (1844). Ne se shikipil chikwey tzunti ume pual chiknawi (1849) yaja kikaki itekuyu kinamaka ya. Yaja chulua ipal tamakihstilis. Yaja ichan nemi Philadelphia, Pennsylvania. Yaja kiajsi ne tutekiw wan ne yankwik itunal katka.

Ne se shikipil chikwey tzunti ume pual majtakti (1850), ne ipilu itukey Kessiah, itekuyu kinamaka ya. Harriet ujuksenpa pashalua ipalewia chulua ya. Yaja pashalua kashtul nawi iwan, kipalewia iijikiwan katka. Yaja kiishpata ne ujti kituktia ikniwan ne Canada katka. Yajini “Tepuskwilin ujti talchi^[3]” katka.

Harriet tejtetzilnaj keman ipalewia iijikiwan ne “Tepuskwilin ujti talchi” kiwika ne pistola pal kinmutia iijikiwan kaj kineki kikwepilia, kimaka ne pajti kikuchteka ne shujshulet katka. kipalewia nawi pual iijikniwan katka. Yaja wey ne Estados Unidos katka. Ne itekuyu kineki ya katka $40,000 ipal ya. Ne takat itukey John Brown kimaka ne itukey “La General Harriet Tubman”.

Ne Guerra Civil, pewa se shikipil chikwey tzunti yey pual se (1861). kipalewia ne erjecito de la Union. Yaja tamanani, tapajtiani, wan espia. Yaja achtu sijsiwaket kituktia ne ejercito de la Union. Yejemet kipalewia 750 iijikiwan pal esclavitud.

Keman ne guerra tami, Harriet ichan nemi Auburn, Nueva York. Yaja kinamiktia se takat itukey Nelson Davis, se shikipil chikwey tzunti yey pual chiknawi (1869). Yejemet adoptar ne noya itukey Gertie.

Yaja ipalewia sijsiwaket itukey Susan B. Anthony, Ida B. Wells, wan Elizabeth Cady Stanton pal derechos pal sijsiwaket. Yaja mikik tik se shikipil chiknawi tzunti majtakti yey (1913) iwan imiekawan.

Ne Itunal Ichtaka

Ne inan itukey katka Harriet Green katka wan ne iteku katka Ben Ross katka. Yejemet kipiat nawi ipijpipil.

Ipiliwan

Gertie Davis

Ishuleyu

Nelson Davis

Ikman Ishuleyu

John Tubman

Ipana Uni

↑ Convulsiones/Seizures
↑ Narcolepsia/Narcolepsy
↑ The Underground Railroad

Ijilpika

https://es.wikipedia.org/wiki/Harriet_Tubman

https://www.battlefields.org/learn/articles/10-datos-harriet-tubman

https://historia.nationalgeographic.com.es/a/harriet-tubman-y-su-incansable-lucha-contra-la-esclavitud_16292

[1] Convulsiones/Seizures

[2] Narcolepsia/Narcolepsy

[3] The Underground Railroad

[1]

[2]

[3]