Emily Brontë

Emily Brontë (1818 - 1848) yaja se tawawasuani inglanterrachanej katka.

Ipanpa Emily Brontë.

Emily Brontë yaja nesik se tunal se pual majtakti pal ne metzti chikume tik ne shiwit se shikipil chikwey tzunti kashtul yey katka. Yaja nesik tik ne techan Thornton katka. Ne inan itukey Maria Branwell (1783 - 1821) katka wan ne iteku itukey Patrick Brontë (1777 - 1861) katka.

Brontë yaja kipia yey ipipiwan: Maria (1814-1825), Elizabeth (1815 - 1825) wan Charlotte (1816 - 1855); wan se ipipi: Branwell (1817-1848); wan se iikawan Anne (1820 – 1849) katka.

Tik ne shiwit 1821 yaja inan Maria Branwell miki katka. Ne ipipi inan Elizabeth Branwell kitajpia ne pijpipil katka.

Ne ipipiwan, yejemet mujmumachtiani ka ne Clergy Daughters' School, se shiwit neman Emily kitzintia tamachtiluyan iwan yaja ipipiwan katka. Ne tamachtiluyan tesu yey katka. Maria wan Elizabeth kukuyat katka. Tik ne shiwit 1825 Maria wan Elizabeth mikit ka inchan katka. Neman, Charlotte wan Emily kiajkawat ne tamachtiluyan katka.

Charlotte, Branwell, Emily wan Anne mumachtiat ka inchan katka.

Emily kitzintia kiwawasua keman yaja chikitik iwan ipipiwan, ipipi wan iikawan katka.

Tik ne shiwit 1838 Emily kalaki tekiti tik ne “Law Hill School” katka. Neman, tik ne 1839 yaja kiajkawat ne tamachtiluyan katka.

Tik ne shiwit 1842 Emily kitzintia mumachtiat ka ne Héger Pensionnat iwan yaja ipipiwan Charlotte katka. Emily kikwepilia ichan neman ne ipipi inan Elizabeth Branwell miki katka.

Tik ne shiwit 1846 yaja kineshtij ne amachti “Poemas de Currer, Ellis y Acton Bell” iwan ipipiwan Charlotte wan iikawan Anne katka.

Tik ne shiwit 1847 yaja kineshtij ne amachti “Cumbres Borrascosas” katka.

Emily ishtikaya kukunawi. Tik ne shiwit 1848 yaja miki pal ne tuberculosis neman yaja isesektuk.

Emily yaja se wey tamawawasuani katka wan Cumbres Borrascosas se wey amachti ka literaturaj pal Inglaterra.

Itekiw.

Poemas de Currer, Ellis y Acton Bell (1846)
Cumbres Borrascosas (1847)

Ijilpika.

https://es.wikipedia.org/wiki/Emily_Bront%C3%AB

https://www.penguinlibros.com/es/4677-emily-bronte

https://ethic.es/2023/02/una-escritora-entre-brumas-vida-y-obra-de-emily-bronte/

https://es.wikipedia.org/wiki/Charlotte_Bront%C3%AB

https://es.wikipedia.org/wiki/Anne_Bront%C3%AB

https://en.wikipedia.org/wiki/Elizabeth_Branwell