Dolly Parton

Dolly Rebecca Parton nesik tik tunal kashtul nawi (19) pal ne metzi se (1) tik ne shiwit se shikipil chiknawi tzunti ume pual chikwasen (1946) tik Pittman Center, Tennessee tik ne italyu United States.

Dolly kinwawasua tajtakwikalis, takwika, wan ktizutzuna sonchiwalis. Yaja itukey ne “Queen of Country.” Iikniwan kishmati yaja pal mawiltia tik tumak ujulinkwikwil 9 to 5 (Se shikipil chiknawi tzunti nawi pual; 1980), The Best Little Whorehouse in Texas (Se shikipil chiknawi tzunti nawi pual ume; 1982), wan Rhinstone (Se shikipil chiknawi tzunti nawi pual nawi; 1984).

Ne itekiw:

Dolly kichiwki katka miak yajyawaltakwikalis:

• Hello, I’m Dolly (Se shikipil chiknawi tzunti yey pual chikume; 1967)
• Coat of Many Colors (Se shikipil chiknawi tzunti yey pual majtakti se; 1971)
• Jolene  (Se shikipil chiknawi tzunti yey pual majtakti nawi; 1974)
• Love Is Live a Butterfly (Se shikipil chiknawi tzunti yey pual majtakti nawi; 1974)
• Here You Com Again (Se shikipil chiknawi tzunti yey pual kashtul se; 1977)
• Eagle When She Flies (Se shikipil chiknawi tzunti nawi pual majtakti se; 1991)
• Run, Rose, Run (Ume shikipil se pual ume; 2022)
• Rockstar (Ume shikipil se pual yey; 2023)

Ne ichtaka itunal:

Ne inan itukey katka Avie Lee Caroline Owens; yaja se Estados Unidoschanejket katka.

Wan ne iteku itukey katka Robert Lee Parton Sr. Yaja se Estados Unidoschanejket katka nusan.

Yejemet kipiat katka majtakti ume inujukichkunew; Dolly nemi ne nawi insiwakunew. Yejemet sujsul chichiuk pero ne imiekawan sujsul pajpaki.

Keman Dolly kipia majtakti (10) shiwit, yaja takwika katka tik ne tepustajtaketzalis WIVK wan WBIR-TV tik Knoxville, Tennessee. Yaja kimawawasua katka miak tajtakwikalis pal Skeeter Davis, Kitty Wells, wan Hank Willaims Jr.

Tik se shikipil chiknawi tzunti yey pual chikume (1967), Dolly musenputzua iwan Porter Wagoner tik ne tepustachialis. Keman Dolly kajkawa katka Porter, yaja kiwawasua katka ne takwikalis “I Will Always Love You.” Tik ne iwansan tayua, Dolly kiwawasua katka ne takwikalis “Jolene.”

Dolly munamiktia katka ishulejyu Carl Dean tik se shikipil chiknawi tzunti yey pual chikwasen (1966). Yejemet tesu kipiat katka inpilawan. Carl mikik tik ume shikipil se pual makwil (2025).

Dolly ko wey ajamachti pal chichiuk pijpiltzitzin. Ne Imagination Library tatakulia katka anka chiknawi tzunti nawi pual kashtul nawi shikipil chiknawi tzunti nawi pual kashtul nawi wan se (999,999 & 1) ajamachti pal miak tejtechan tik ne italyu United States. Ne kalamachti Library of Congress kishmati ne takwikani ika yaja kipalewia tuijikniwan inweli amatachiat.

Ijilpika:

• https://dollyparton.com/ Official Dolly Parton Website
• https://imaginationlibrary.com/ Imagination Library Official Website
• https://www.loc.gov/ Library of Congress Official Website