Chromeo

Ne ume Canadachanejket David "Dave 1" Macklovitch wan Patrick "P-Thugg" Gemayel kichiwket Chromeo ka Montreal tik ne shiwit ume shikipil ume (2002). Yejemet kichiwat electro-funk wan ingustuj ne soul, dance, rock, synth-pop, disco wan funk.

Yejemet kichiwket chikwasen inyawaltakwikalis^[1] wan yey inyawaltakwikalis nemiket tik ne Billboard 200.

Incasoj

Yejemet muishmatket intzalan ne shiwit se shikipil chiknawi tzunti nawi pual majtakti wan ne shiwit se shikipil chiknawi tzunti nawi pual kashtul nawi (1990-1999), tik ne Collège Stanislas ka Montreal.

Keman yejemet kipiatuyat kashtul shiwit, Macklovitch kichiwki inson^[2] iwan Gemayel wan ujukseuk sojsonchiwanimet^[3]. Nemanha Macklovitch wan Gemayel kichiwket inson yejemetsan wan kichiwtuyat Hip Hop. Tiga, (se ichaku Macklovitch), inak ka kipalewit iwan son ipanpa ne ikalsonchiwalis^[4] "Turbo", wan kia ne Dave 1 iwan P-Thugg kichiwket Chromeo.

Tik ne shiwit uma shikipil nawi (2004), kiski ne inyawaltakwikalis "She's in Control" wan ne tuijikniwan inaket ka yejemet kichiwat son kenha Hall & Oates, Zapp, Prince, Klymaxx wan Sylvester. Dave 1 inak ka "Needy Girl" ingustuj ujukseuk sojsonchiwanimet wan yejemet kitzutzunket^[5] ne intakwikalis^[6].

Tik ne shiwit ume shikipil chikwasen (2006), yejemet kipalewijket DJ Mehdi iwan ne itakwikalis "I Am Somebody". Tik ne shiwit ume shikipil chikume (2007), yejemet kinpalewijket Bloc Party keman yejemet kitzutzunket ne inson ka Reino Unido.

Tik ne shiwit ume shikipil chikume (2007) kiski ne ume inyawaltakwikalis "Fancy Footwork". Tik ne shiwit ume shikipil chikwey (2008), yejemet kitzutzunket son iwan Daryl Hall tik Live from Daryl's House. Yejemet kitzutzunket son iwan Hall tik ne Bonnaroo Music & Arts Festival in Manchester nusan tik ne shiwit ume shikipil majtakti (2010). Tik ne shiwit ume shikipil chiknawi (2009) Chromeo kichiwket ne intakwikalis ipanpa Yo Gabba Gabba! wan kitukeytijket "Nice 'N Clean".

Tik ne tunal majtakti nawi pal ne metzti chiknawi tik ne shiwit ume shikipil majtakti (14/9/2010), kiski ne yey inyawaltakwikalis "Business Casual". Chromeo kisket tik Morning Becomes Eclectic ipanpa KCRW wan kisket tik ne pichawak amachti^[7] Future Magazine nusan, wan kitzutzunket ne inson tik The Forum ka Londres.

Tik ne metzti chiknawi pal ne shiwit ume shikipil majtakti yey (9/2013), yemejet inaket ka yaw-kichiwat ne nawi inyawaltakwikalis "White Women" iwan se inhulinkwikwil^[8] ka kipiatuya se takutun intakwikalis "Over Your Shoulder". Ne inyawaltakwikalis kiski tik ne tunal majtakti ume pal ne metzti makwil tik ne shiwit ume shikipil majtakti nawi (12/5/2014).

Chromeo kitzutzunket ne inson tik ne Coachella Valley Music and Arts Festival tik ne metzti nawi pal ne shiwit ume shikipil majtakti nawi (4/2014).

Tik ne tunal ume pal ne metzti majtakti se tik ne shiwit ume shikipil kashtul ume (2/11/2017), Chromeo inaket ka yaw-kichiwat ne makwil inyawaltakwikalis kitukeytijket "Head Over Heels". Ne achtu kutu inyawaltakwikalis^[9] "Juice" kiski tik ne tunal chikume pal ne metzti majtakti se tik ne shiwit ume shikipil kashtul ume (7/11/2017). Ne inyawaltakwikalis kiski tik ne tunal kashtul pal ne metzti chikwasen tik ne shiwit ume shikipil kashtul yey (15/6/2018).

Tik ne tunal nawi pal ne metzti makwil tik ne shiwit ume shikipil se pual (4/5/2020), Chromeo kichiwket ne inkalsonchiwalis "Juliet Records"

Tik ne tunal majtakti ume pal ne metzti chikwasen tik ne shiwit ume shikipil se pual (12/6/2020), kiski se "EP" iwan makwil intakwikalis kitukeytijket "Quarantine Casanova" tik ne wey kukulis^[10] "Covid-19". Ne tumin ipanpa ne "EP" yaw-kipalewia Colin Kaepernick’s Know Your Rights Camp COVID-19 Relief Fund.

Tik ne tunal majtakti ume pal ne metzti chikwasen tik ne shiwit ume shikipil se pual se (12/6/2021), kiski ne achtu inyawaltakwikalis keman kitzutzunket ne inson^[11] kitukeytijket "Date Night: Chromeo Live!". Chromeo kichiwket inyawaltakwikalis keman kitzutzunket ne inson ka Norte América kan yejemet kitzutzunket^[12] iwan ujukseuk sojsonchiwanimet.

Chromeo kitzutzunket ne inson tik ne 22nd Coachella Valley Music and Arts Festival tik ne metzti nawi pal ne shiwit ume shikipil se pual yey (4/2023).

Ne chikwasen inyawaltakwikalis "Adult Contemporary", kiski tik ne tunal kashtul se pal ne metzti ume tik ne shiwit ume shikipil se pual nawi (16/2/2024).

Itekiw

Inyajyawaltakwikalis

"She's in Control" (ume shikipil nawi / 2004)
"Fancy Footwork" (ume shikipil chikume / 2007)
"Business Casual" (ume shikipil majtakti / 2010)
"White Women" (ume shikipil majtakti nawi / 2014)
"Head Over Heels" (ume shikipil kashtul yey / 2018)
"Adult Contemporary" (ume shikipil se pual nawi / 2024)

Inyajyawaltakwikalis keman kitzutzunket ne inson

"Date Night: Chromeo Live!" (ume shikipil se pual se / 2021)

EP

"Quarantine Casanova" (ume shikipil se pual / 2020)

Kimakaket Uni Tajtakulis

"Best Sweatin' to the Indies Workout Song" ipanpa "Fancy Footwork" tik ne Bucky Award (ume shikipil chikume / 2007)
"Left Field Woodie" tik ne Woodie Award (ume shikipil chikwey / 2008)