Audre Lorde

Audrey Geraldine Lorde kaj tiktukeytiat Audre Lorde nesik tik Nueva York se takutun ipal Estados Unidos se tunal kashtul yey pal ne metzti ume tik ne shiwit se shikipil chiknawi tzunti se pual majtakti nawi (1934) wan mikik se tunal kashtul ume pal me metzti majtakti se tik ne shiwit se shikipil chiknawi tzunti nawi pual majtakti ume (1992).

Yaja se tamawawasuani, takwikani, tamachtiani wan tasumani pal ne tamakishtilis.

Ne itunal ichtaka:

Ne inan itukey katka Linda Gertrude Belmar Lorde, yaja nesik tik Granada, se talchin tik ne at. Ne iteku itukey katka Frederick Byron Lorde, yaja nesik tik Barbados. Ne inan kachka se Españachanej, yajika ne imiekawan ne inan sujsul paki. Ne iteku tiltikchin yajika, achtu, ne imiekawan ne inan tesu kinekiket ne inan wan ne iteku munamiktia, melka nemanha yejemet kitak ne iteku susjsul yek.

Audre kipiak ume ipijpipi, yejemet itukey katka Phyllys wan Helen. Audre tesu kitztuya yek yajika ne inan kilwij miak cajcasoj, kunij Audre tesu nemi pal amatachia uni cajcasoj. Keman yaja kipia nawi shiwit yaja mumachtij ken taketza wan ken amatachia wan tamawawasua. Yaja tamawawasuj ne achtu itakwikalis.