Anastasia Nikoláyevna de Rusia

Anastasia Nikoláyevna Romanova (1901-1918) se isiwapíltzin ne tatuktiani Zar Nicolás II de Rusia.

Itunal Ichtaka

Nesik tik ne techan San Petersburgo, Rusia tik ne Palacio Peterhof. Inan Zarina Alejandra Fiódorovna (nesik ken Alix De Hesse-Darmstadt) wan Alemaniachanej katka wan iteku Tatuktiani Zar Nicolás II de Rusia. Anatasia kinpiak yey ipipiwan, Olga Nikoláyevna (1895-1918) wan Tatiana Nikoláyevna (1897-1918) wan María Nikoláyevna de Rusia (1899-1918). Anastasia kipij se iikaw, Alexis Nikoláyevich de Rusia (1904-1918).

Iipan inoya ne Tatuktiani Reína Victoria del Reino Unido (1819-1901) katka. Itajtatanoy ne Tajtatuktiani Zar Alejandro III de Rusia wan Luis IV de Hesse-Darmstadt katka. Inojnoywan Alicia del Reino Unido wan María Fiódorovna de Rusia (nesik Dagmar de Dinamarca) katka.

Tuijkniwan Rusiachanej te ishpajpaki katka keman yaja nesik, ika kinekik se piltzín pal yaw-muchiwa ken yankwik Tatuktiani zar nemanha iteku Zar Nicolás II. Pero imiekawan sujsul kinekik Anastasia wan muchi ipilawan.

Anastasia taketzki ne tajtaketzalis Inglés wan Franciachanej sujsul wey. Yaja kipij se tamachtiani Suizachanej itukey wan itzuntukey Pierre Gilliard.

Anastasia weya tik ne Palacio Peterhof wan nemanha tik ne Palacio Alejandro tik ne techan Tsarskoye Selo katka. Yaja kipij se tapech iwan ipipi María, wan yejemet kitalijket kwachti. Anastasia sujsul tenhajat katka, wan kipakiltilij muchi imiekawan. Yaja kitemik muchiwa ken tapajtiani, ika igustuj ne son wan ujulinkwikwil wan ne takwikwilchiwalis.

Yaja chapachin katka, wan tzunshilut iwan chiltik katka. Ijiish susul katka.

Keman pejtuk ne Primera Guerra Mundial, Anastasia siwapil katka, ika mawiltiaj inwan ne kukuyani tajtasumani Rusiachanej tik ne kaltapajtiani tik ne techan Tsarskoye Selo.

Ne shiwit 1917, ne Revolución pejtuk wan iteku, Zar Nicolás II, te nenki ne Tatuktiani. Anastasia iwan imiekawan kikaltzajket tik ne Palacio Alejandro. Nemanha, nenket tik se kal tik ne techan Tobolsk, wan nemanha, tik se kal tik ne techan Ekaterimburgo.

Ken mikik?

Ne Bolcheviques miktijket Anastasia wan muchi imiekawan ne shiwit 1918 tik ne techan Ekaterimburgo tik ne kal "Ipatiev". Nemanha, ne Bolcheviques kiitatijket wan kiishtijket ituweyka ka se kal apunian tik ne kwawital inawak ne techan Ekaterimburgo. Ttik ne shiwit 1991, kiajsiket ne ituweyka.

Icasoj an

Miak tuijikniwan kiishkejketzat Anastasia te mikik iwan imiekawan. Yajika nemi sujsul ujulinkwikwil, ajamachti wan tajtakwikalis ipanpa ne casoj Anastasia. An, muchi tikimatit Anastasia mikik iwan imiekawan, pero ne casoj Anastasia kenhayuk shuchikisa.

Ujulinkwikwil

"Clothes Make the Woman" ne shiwit 1928
"Anastasia" tikne shiwit 1956 iwan ne tajtapajtiani Ingrid Bergman wan Yul Brynner
"Anastasia" tik ne shiwit 1997 (ikwikwil animado)

Ajamachti

I Was Anastasia ("Naja Anastasia katka"), Ariel Lawhon
"The Romanov Sisters: The Lost Lives of the Daughters of Nicholas and Alexandra", Helen Rappaport
"Anastasia: The Last Grand Duchess, Russia, 1914", Carolyn Meyer

Ne son

Ne takwikalis ne grupo "The Rolling Stones" kiilwia "Killed the Tsar and his ministers; Anastasia screamed in vain"
"Anastasia", se musical tik Broadway