Alan Menken

Alan Irwin Menken (1949-) se takwikalismawawasuani wan tawawasuani Estadounidensechanej.

Itunal Ichtaka

Alan Menken nesik tik ne techan New Rochelle.

Tik ne shiwit 1972, munamiktij iwan ne mijtutiani Janis Roswick. Yaja kipia ume isiwapíltzin : Anna Rose Menken wan Nora Lily Menken. Anna Rose takwikani wan takwikalismawawasuani wan tawawasuani nusan.

Yaja kimakat amat tik Tamachtiluyan Universidad de Nueva York (NYU). Kitzutzuna ne piano sujsul wey.

Itekiw

Pejtuk itekiw tik ne shiwit 1974 pal Broadcast Music, Inc. (BMI) iwan ne takwikalismawawasuani Lehman Engel. Ne shiwit 1979, mutekitilia iwan Howard Ashman ipanpa ne musical "God Bless You Mr. Rosewater" wan ne shiwit 1982 ipanpa "Little Shop of Horrors" katka. Sujsul wey katka. Nemanha, mutekitilia iwan David Spencer ipanpa ne musical "The Apprenticeship of Duddy Kravitz" ne shiwit 1987 wan sujsul yek katka. Ne shiwit 1989 pejtuk itekiw pal Walt Disney Animation Studios pal miak ujulinkwikwil : "La Sirenita" (ne shiwit 1989), "La Bella y la Bestia" (ne shiwit 1991) wan "Aladdin" (ne shiwit 1992) iwan Howard Ashman, wan nemanha ipanpa "Pocahontas" (ne shiwit 1995) wan "El Jorobado de Notre-Dame" (ne shiwit 1996) iwan Stephen Schwartz wan ipanpa "Hercules" (ne shiwit 1997) iwan David Zippel wan ipanpa "Enredados" (ne shiwit 1990) iwan Glenn Slater.

Alan Menken sujsul tekiti ne Broadway, wan kichiwki "Newsies" (ne shiwit 1992 pal ne ulinkwikwil wan ne shiwit 2012 tik Broadway), "Leap of Faith", "Aladdin", "Sister Act" wan "La Sirenita". Muchi sujsul wey katka.

Ipanpa Itajtakulis

Alan Menken kikwij miak tajtakulis, ume tajtakulis Oscar nusan:

8 Tajtakulis Óscar (Muchi pal sujsul wey ujulinkwikwil iwan Walt Disney Animation Studios)
7 takulis Golden Globe
11 tajtakulis Grammy Awards
5 tajtakulis Critics' Choice Awards
Se takulis Laurence Olivier Award
Se takulis Daytime Emmy Award
Se takulis Tony Award
Se takulis Primetime Emmy Award

Alan Menken

Itunal Ichtaka

Itekiw

Ipanpa Itajtakulis

Ipanpa Uni