Afeni Shakur

Afeni Shakur

Afeni Shakur nesik se tunal majtakti pal ne metzti se tik ne shiwit se shikipil chiknawi tzunti ume pual chikume (1947). Ne ichan nemi tik ne techan Lumberton, North Carolina tik ne Estados Unidos.

Afeni Shakur se siwat New Afrikanchanej. Yaja se tapalewiani^[1], tamachtiani, wan ne tatuktiani katka. Afeni Shakur kaj tiktukeytiat ne innan^[2] Afeni Shakur inpal ne tuijikniwan.

Ne Itunal Ichtaka

Ne inan itukey Rosa wan itzuntukey Claiborne katka. Ne inan se taweykalchiwani^[3]. Ne iteku itukey Walter wan itzuntukey Williams Jr., katka. Yaja kipia se chupi ieltiw ne itukey Gloria wan itzuntukey Jean, melka nusan kaj tiktukeytiat “Glo” katka. Keman yaja kipia majtakti se shiwit tik ne shiwit se shikipil chiknawi tzunti ume pual kashtul yey (1958), Afeni Shakur, chupi ieltiw, wan inan mijkwanit South Bronx tik Nueva York katka.

Yaja yawi ka ne tumak tamachtiluyan^[4] Benjamin Franklin Junior High School wan nusan yaja yawi ka ne tumak tamachtiluyan Manhattan’s High School of Performing Arts, katka. Keman chikitik kiwawasua pal ne tumak tamachtiluyan tzuyutztik amachti^[5], The Franklin Flash wan kimakaket se wey takulis pal tawawasualis^[6] katka.

Yaja kipia ume ipilawan, se iukichkunew wan se isiwakunew katka. Iukichkunew itukey Tupac wan itzuntukey Shakur katka. Iukichkunew ipal se sonchiwani^[7] katka. Isiwakunew itukey Sekyiwa wan itzuntukey Shakur katka.

Tay Kichiwki?

Nemanha kikaki Bobby Seale taketza, Mama Afeni Shakur muilpia iwan Black Panther Party^[8] tik ne shiwit se shikipil chiknawi tzunti ume pual kashtul yey (1968) katka.

Ken Mikik?

Mama Afeni Shakuri miki se tunal ume pal ne metzti makwil tik ne shiwit ume shikipil kashtul se (2016) tik Greenbrae, California ika iyulu miki^[9].

Ipanpa Uni:

↑ activista/activist/organizer
↑ Mama
↑ trabajador de factoria/factory worker
↑ escuela secundaria/high school
↑ periódico/newspaper
↑ periodismo/journalism
↑ rapero/rapper
↑ Partido Pantera Negra
↑ Infarto/cardiac arrest

Ijilpika:

Afeni Shakur Wiki Link (In English): https://en.wikipedia.org/wiki/Afeni_Shakur
Afeni Shakur Enlace de Wiki (En Enspañol): https://es.wikipedia.org/wiki/Afeni_Shakur
Afeni Shakur (In English): https://www.biography.com/activists/a42942753/afeni-shakur#early-life
The Political Thought of Afeni Shakur (In English): https://freedomarchives.org/the-political-thought-of-afeni-shakur/

[1] tivista/activist/organizer

[2] Mama

[3] trabajador de factoria/factory worker

[4] scuela secundaria/high school

[5] riódico/newspaper

[6] riodismo/journalism

[7] rapero/rapper

[8] Partido Pantera Negra

[9] Infarto/cardiac arrest

[1]

[2]

[3]

[4]

[5]

[6]

[7]

[8]

[9]